________________
अठारहवां उद्देशक
नौकाविहार करने का प्रायश्चित्त
१. जे भिक्खू अणट्ठाए णावं दुरुइह दुरुहंतं वा साइज्जइ । २. जे भिक्खू णावं किणइ, किणावेइ, कोयं आहट्ट देज्जमाणं दुरुइह, दुरुहंतं वा साइज्जइ । ३. जे भिक्खू णावं पामिच्चइ, पामिच्चावेइ, पामिच्चं आहटु देज्जमाणं दुरुहइ, दुरुहंतं वा
साइज्जइ।
४. जे भिक्खू णावं परियट्टेइ, परियट्टावेइ, परियट आहट्ट देज्जमाणं दुरुहइ, दुरुहंतं वा
साइज्जइ।
५. जे भिक्खू णावं अच्छेज्ज, अणिसिळं, अभिहडं आहटु देज्जमाणं दुरुहइ, दुरुहंत वा साइज्जइ।
६. जे भिक्खू थलाओ णावं जले ओक्कसावेइ, ओक्कसावेंतं वा साइज्जइ । ७. जे भिक्खू जलाओ णावं थले उक्कसावेइ, उक्कसावेतं वा साइज्जइ । ८. जे भिक्खू पुण्णं णावं उस्सिचावेइ, उस्सिचावेतं वा साइज्जइ । ९. जे भिक्खू सण्णं णावं उप्पिलावेइ, उप्पिलावेतं वा साइज्जइ । १०. जे भिक्खू पडिणावियं कटु णावाइ दुरुहइ, दुरुहंतं वा साइज्जइ । ११. जे भिक्खू उड्ढगामिणि वा णावं, अहोगामिणि वा णावं दुरुहइ, दुरुहंतं वा साइज्जइ ।
१२. जे भिक्खू परं जोयणवेलागाििण वा परं अद्धजोयणवेलागामिणि वा णावं दुरुहइ, दुरुहंतं वा साइज्जइ।
१३. जे भिक्खू णावं उक्कसेइ वा, वोक्कसेइ वा, खेवेइ वा, रज्जुए वा गहाय आकसेइ, उक्कसंतं वा, वोक्कसंतं वा खेवंतं वा, रज्जुए वा गहाय आकसंतं वा साइज्जइ ।
१४. जे भिक्खू णावं अलित्तएण वा, पप्फिडएण वा, वंसेण वा, वलएण वा वाहेइ, वाहेंतं वा साइज्जइ।
Jain Education International
For Private & Personal Use Only
www.jainelibrary.org
