Book Title: Agam 14 Upang 03 Jivabhigam Sutra Part 01 Stahanakvasi
Author(s): Madhukarmuni, Rajendramuni, Shobhachad Bharilla
Publisher: Agam Prakashan Samiti
View full book text
________________
तृतीय प्रतिपत्ति : एकोरुक द्वीप का प्रकीर्णक वर्णन]
[३११
- अत्थि णं भंते ! एगोरुए दीवे मित्ताइ वा वयंसाइ वा घडियाइ वा सहीइ वा सुहियाइ वा महाभागाइ वा संगइयाइ वा।
णो तिणटे समढे। ववगयपेम्मा ते मणुयगणा पण्णत्ता समणाउसो !
अत्थिणं भंते ! एगोरुयदीवे आबाहाइ वा विवाहाइ वाजण्णाइ वा सड्ढाइ वा थालिपाका वा चोलोवणयणाइ वा, सीमंतुण्णयणाइ वा ' पिइपिंडनिवेयणाइ वा ?
णो तिणढे समढे।ववगतआबाहविवाहजण्णसड्डथालिपागचोलोवणयणसीमंतुण्णयण' पिइपिंडनिवेदणा णं ते मणुयगणा पण्णत्ता समणाउसो !
अत्थि णं भंते ! एगोरुयदीवे दीवे इंदमहाइ वा खंदमहाइ वा रुद्दमहाइ वा सिवमहाइ वा वेसमणमहाइ वा मुगुंदमहाइ वा णागमहाइ वा जक्खमहाइ वा भूयमहाइ वा कूवमहाइ वा तलायणईमहाइ वा दहमहाइ वा पव्वयमहाइ वा रुक्खरोवणमहाइ वा चेइयमहाइ वा थूब्भमहाइ वा?
णो तिणढे समढे। ववगय महमहिमा णं ते मणुयगणा पत्ता समणाउसो!
अत्थिणंभंते ! एगोरुयदीवेदीवेणंडपेच्छाइ वा णइपेच्छाइवाजल्लपेच्छाइ वा मल्लपेच्छाइ वा मुट्ठियपेच्छाइ वा विडंवगपेच्छाइ वा कहगपेच्छाइ वा पवगपेच्छाइ वा अक्खायगपेच्छाइ वा लासगपेच्छाइ वा लंखपेच्छाइ वा मंखपेच्छाइ वा, तूणइल्लपेच्छाइ वा तुंबवीणापेच्छाइ वा कावडपेच्छाइ वा मागहपेच्छाइ वा ?
णो तिणढे समढे। ववगयकोउहल्ला णं ते मणुयगणा पण्णत्ता समणाउसो ! ___ अत्थि णं भंते ! एगोरुय दीवे सगडाइ वा रहाइ वा जाणाइ वा जुग्गाइ वा गिल्लीइ वा थिल्लीइ वा पिल्लीइ वा पवहणाणि वा सिवियाइ वा संदमाणियाइ वा?
णो तिणद्वे समढे ! पादचारविहारिणो णं ते मणुयगणा पण्णत्ता समणाउसो !
अत्थि णं भंते ! एगोरुयदीवे आसा इ वा हत्थी ति वा उट्टा इ वा गोणा इ वा महिसा इ वा खराइ वा घोडा इ वा अडा इ वा एला इ वा ?
हंता अत्थि । नो चेव णं तेसिं मणुयाणं परिभोगत्ताए हव्वमागच्छंति।
अत्थि णं भंते ! एगोरुयदीवे दीवे सीहाइ वा, वग्याइ वा विगाइ वा दीवियाइ वा अच्छा इवा परस्साइ वा तरच्छाइ वा विडालाइ वा सियालाइ वा सुणगाइ वा कोलसुणगाइ वा कोकंतियाइ वा ससगाइ वा चित्तला इ वा चिलल्लगाइ वा?
हंता अत्थि। नो चेव णं ते अण्णमण्णस्स तेसिं वा मणुयाणं किं चि आबाहं वा पबाहं वा उप्पायंति वा छविच्छेदं वा करेंति, पगइभद्दका णं ते सावयगणा पण्णत्ता समणाउसो !
अत्थि णं भंते ! एगोरुयदीवे दीवे सालीइ वा वीहीइ वा गोधूमाइ वा जवाइ वा तिलाइ वा इक्खूत्ति वा ? १. मयपिंड। २. मयपिंड।
