Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
‘રામાયણમાં સંસ્કૃતિનો સંદેશ પાપી પણ ખરેખરો પ્રાયશ્ચિત્તી હોય તો તેને સંપૂર્ણપણે અધમ કહી દેવો એ યોગ્ય ન ગણાય. આર્યપ્રજાને લાલબત્તી
આદેશની આર્યપ્રજાને એક લાલબત્તી ધરી દઉં. હજારો આત્માઓના હૃદય પરિવર્તન અને જીવનપરિવર્તન કરી દેતા આ ગ્રન્થરત્નને આપણે જીવતો જ રાખવો જોઈએ. જીવીને જીવતો રાખીએ તો સારી વાત છે; પણ મરીને ય જીવતો રાખવાનો સમય આવે તો તેને ય વધાવી લેવાની સહુની તૈયારી હોવી ઘટે. કેમકે આ ગ્રન્થ આપણા સંસ્કારી જીવનની જીવાદોરી છે. છેલ્લા કેટલાક સમયથી રામાયણના કથાવસ્તુને કાલ્પનિક કહીને એના ગૌરવને હણી નાખવાનો વ્યવસ્થિત પ્રયાસ આપણું જ સેંકડો જ્યચંદો અને અમીચંદો કરી રહ્યા છે. છેલ્લે છેલ્લે આ ગ્રન્થને એક ઠેકાણે જાહેરમાં લાત પણ મારવામાં આવી છે. આવું જ; આર્યપ્રજાના ધર્મપ્રધાન ચાર પુરુપાર્થની સંસ્કૃતિના બંધારણીય પવિત્ર માળખાંના પાયાના જીવનને સુવ્યવસ્થિત રીતે રજૂ કરતા મનુસ્મૃતિ' ગ્રન્થ સંબંધમાં પણ બન્યું છે. ભારતના જ એક રાજ્યની કૉલેજના વિદ્યાર્થીઓએ આ ગ્રન્થની નનામી કાઢીને તેની અંત્યેષ્ટિયાત્રા કાઢી હતી; એ સરઘસમાં ઘોષણા કરી હતી કે, “અમને હવે ધર્મપ્રધાન સંસ્કૃતિનું બંધારણ ન ખપે.”
જાગતા રેજે
પુણ્યવાનો! જાગતા રે' જે...ઊંઘતા ઝડપાઈ જવાનું હિચકારું અકાર્ય નહિ જ થવા દેતા. ઉપરના બનેય પ્રસંગો આર્યપ્રજાના અમંગળ ભાવીની એંધાણીઓ છે. જે ચેતતા રહીશું; જે સંગઠિત બનીને ઊભા રહીશું; જે મર્દ બનીશું; અને પવિત્ર બનીશું, જે મોક્ષમૂલક સ્વ–શાસ્ત્રોને વફાદાર રહીશું તો આપણે વાળ પણ વાંકો કરવાની તાકાત કોઈ ધરાવતું નથી. અન્યથા...સમગ્ર આર્યપ્રજા, સંસ્કૃતિ નાશ દ્વારા સર્વનાશની ભયાનક ખીણોના આરે એક જ સૈકામાં આવીને ઊભી રહેશે એવું સ્પષ્ટ ભાવી જાણે આંખ સામે મને દેખાય છે.
પણ મને વિશ્વાસ છે કે જ્યાં સુધી પ્રથમ કક્ષાના ધર્મગ્રન્થોની સાથોસાથ રામાયણ જીવશે; ત્યાં સુધી લોકહૃદયના લાખ-લાખ સિંહાસન ઉપર ભાવસમ્રાટ અધ્યાત્મ” બિરાજમાન રહેશે જ.
અને જ્યાં સુધી લાખો હૈયાંની એ ધરતી ઉપર એ ભાવસમ્રાટ વિહરી રહ્યા હશે ત્યાં સુધી આર્યપ્રજાના ભવ્ય ભાવીને ખેરવિખેર કરીને ખતમ કરી નાખવાની તાકાત કોઈનામાં નથી. રશિયા-અમેરિકાની સહતનત ભેગી થઈને પણ એ તાકાત પામી શકે તેમ નથી.
