Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 195

तस्सागमणं सोउं, सयलो नरनाहपमुहपुरलोओ। नियनियरिद्धिसमेओ, समागओ भत्ति उज्जाणे॥१३॥. पंचविहं अभिगमणं, काउं तिपयाहिणाउ दाऊणं । पणमिय गोयमचलणे, उवविठ्ठो उचियभूमीए॥१४॥ भयवपि सजलजलहर-गंभीरसरेण . कहिउमाढत्तो।। धम्मसरूवं सम्म, परोवयारिक्कतल्लिच्छो॥१५ ।। भो भो महाणुभागा! दुलहं लहिऊण माणुसं जम्म। खित्तकुलाइपहाणं, गुरुसामग्गि व पुण्णवसा॥१६॥ . पंचविहंपि पमायं गुरुयावायं. विवज्जिउं झत्ति। .. सद्धम्मकम्मविसए, समुज्जमो होइ. कायव्वो॥१७॥ . सो धम्मो चउभेओ, उवइट्ठो सयलजिणवरिंदेहिं।। दाणं सीलं च तवो, भावोऽवि अ तस्सिमे भेया॥१८॥ तत्थवि भावेण विणा, दाणं न हु सिद्धिसाहणं होई ।' .. सीलंपि भाववियलं, विहलं चिय होइ लोगंमि ॥१९॥ भावं विणा तवो विहु, भवोहवित्थारकारणं चेव। । तम्हा नियभावुच्चिय, सुविसुद्धो होइ , कायव्वो॥२०॥ भावोवि मणोविसओ, मणं च अइदुज्जयं निरालंबं ।। तो तस्स नियमणत्थं कहियं सालंबणं झाणं ॥२१ ॥ आलंबणाणि जइवि हु, बहुप्पयाराणि संति सत्थेसु । तह वि हु नवपयझाणं सुपहाणं बिंत्ति ,जगगुरुणो॥२२॥ अरिहं-सिद्धायरिया, उज्झाया साहुणो अ सम्मत्तं । नाणं चरणं च तवो, इय पयनवगं मुणेयव्वं ॥२३ ।। तत्थऽरिहंतेऽट्ठारस-दोसविमुक्कें विसुद्धनाणमए । पयडियतत्ते नयसुरराए झाएह निच्वंपि॥२४॥ पनरसभेयपसिद्धे सिद्धे घणकम्मबंधणविमुक्के। . सिद्धाणंतचउक्के, झायह तम्मयमणा सययं ॥२५॥ पंचायारपवित्ते, विसुद्धसिद्धंतदेसणुज्जुत्ते। . परउवयारिक्कपरे, निच्चं झाएह सूरिवरे ॥२६ ।।
ग
१५४
प्राकृत स्वयं-शिक्षक