Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 234

सिप्पिपुत्तस्स कहा
अवंतीए परीए इंददत्तो नाम सिप्पिवरो अहेसि । सो सिप्पकलाहिं सव्वंमि जयंमि पसिद्धो होत्था । इमस्स सरिच्छो अन्ने को वि नत्थि । एयस्स पुत्तो सोमदत्तो नाम। सो पिउस्स सगासंमि सिप्पकलं सिक्खंतो कमेण पिअराओ वि अईव सिप्पकलाकुसलो जाओ।
सोमदत्तो जाओ पडिमाओ निम्मवेइ, तासु तासु पिआ कंपि कंपि भुल्लं दंसेइ, कया वि सिलाहं न कुणेइ । तहो सो सुहमदिट्ठीए सुहुमं सुहुमं सिप्पकिरियं कुणेऊण पियरं दंसेइ, पिया तत्थ वि कंपि खलणं दरिसेइ, 'तुमए सोहणयरं सिणं कयं' ति न कयाई तं पसंसेइ।
अपसंसमाणे पिउम्मि सो चिंतेइ—'मम पिआ मज्झ कलां कहं न पसंसेज्जा?, तओ तारिसं उवायं करेमि, जओ पियरो मे कलं पसंसेज्ज। एगया तस्स पिआ कज्जप्पसंगेण गामंतरे गओ, तया सो सोमदत्तो सिरिगणेसस्स सुंदरमयं पडिमं काऊण, तीए हिटुंमि गूढं नियनामंकियचिह्न करिऊण, तं मुत्तिं नियमित्तद्दारेण भूमीए अंतो ठवेइ । कालंतरे गामंतराओ पिआ समागओ। एगया तस्स मित्तो जणाणमग्गओ एवं कहेइ–'अज्ज मम सुमिणो समागओ, तेण अमुगाए भूमीए पहावसालिणी गणेसस्स पडिमा अत्थि'। . तया लोगेहिं सा पुढवी खणिआ, तीए पुहवीए सुंदरयमा अणुवमा गणेसस्स मुत्ती निग्गया। तइंसणत्थं बहवो लोगा समागया, तीए सिप्पकलं अईव पसंसिरे।
तया सो इंददत्तो वि सपुत्तो तत्थ समागओ। सो गणेसपडिमं दट्ठणं पुत्तं कहेइ–“हे पुत्त ! एसच्चिअ सिप्पकला कहिज्जइ । केरिसी पडिमा निम्मविआ, इमाए निम्मावगो खलु धण्णयमो सलाहणिज्जो य अस्थि । पासेसु, कत्थ वि भुल्लं खुण्णं च . . अत्थि? । जइ तुम एआरिसिं पडिमं निम्मवेज्ज, तया ते सिप्पकलं पसंसेमि, नन्नहा"।
पुत्तो वि कहेइ—“हे पियर ! एसा गणेसपडिमा मए चिय कया। इमाए हिटुंमि गुत्तं मए नामंपि लिहिअमत्थि" । पिआवि लिहिअनाम वाइऊण खिन्नहियओ पुत्तं कहेइ-“हे पुत्त ! अज्जदिणाओ तुम एरिसं सिप्पकलाजुत्तं सुंदरमयं पडिमं काउं कया वि न तरिस्ससि। जया हं तव सिप्पकलासु भुल्लं दंसंतो, तया तुमं पि सोहणयरकज्जकरणतल्लिच्छो सण्हं सण्हं सिप्पं कुणंतो आसि, तेण तव सिप्पकलावि वटुंती हुवीअ । अहुणा ‘मम सरिच्छो नन्नो' इह मंदूसाहेण तुम्हम्मि एआरिसी सिप्पकला न संभविहिइ”। - एवं सो सरहस्सं पिउवयणं सोच्चा पाउसु पडिऊण पिउत्तो पसंसाकरावण-सरूवनिआवराहं खामेइ, परंतु सो सोमदत्तो तओ आरब्भ तारिसिं सिप्पकलं काउं असमत्थो जाओ।
खण्ड १