Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 236

एवं सोच्चा वि उज्जमवाइपंडिओ छुट्टिणपयासं न चइए । छुट्टा
पयासं कुणेइ । एवं तेसि दुवे दिणा अक्ककंता । भोयणाभावेण सरीरं पि ताणमईव झी संजायं, कज्जकरणे वि असमत्थं जायं, तह वि उज्जमवाई पयासहीणाववरगे इओ तओ भममाणो बंधमाओ मोअणाय जत्तं न मुंचेइ । नियइवाई तं वएइ – “अहुणा परमेसरस्स नामं गिण्हसु, किमायासकरणेण फलरहिएण ?” । तया सो उज्जमवाइ कहे – “समावने वि मरणे उज्जमो कया वि न मोत्तव्वो, सया वि उज्जमसीलेण जण होयव्वं" । नियइवाई बोल्लेइ – 'जइ एवं ता अंधारिए एयंमि अववरगे पाए हत्थे अघसमाणा भमंता चिट्ठेह, उज्जमो फलं दाही ?"
तह वि सो उज्जमवाइ पंडिओ खीणसरीरबलो तइअदिणंमि भित्तिनिस्साए भमंतो हत्थे पाए य घसमाणो पडतो पुणरवि घसंतो भमंतो दइववसाओ अववरगस्स कोणगे तत्थ पडिओ, जत्थ उंदुरस्स बिलं वट्टइ । तस्स हत्था बिलोवरिं समागया । तओ रंधमज्झट्ठिओ मूसओ बाहिरं निग्गंतुमचयंतो दंतेहिं तस्स हत्थबंधणं छिंदेइ, तया सो छुट्टिओ समाणो नेत्तपडं पायबंधणं च अवसारेइ । सो तया अववरगे गाढयरतमेण किमवि न पासेइ । अस्स अववरगस्स दारं कत्थ अस्थि त्ति भित्तिफासणेण निरिक्खंतेण तेण कमेण लद्धं । बाहिरओ पिणद्धं तं पासिऊण कट्ठेण तं दारं मूलाओ उत्तारिअ बाहिरं सो निग्गओ । पच्छा देव्वावाइं पंडिअं पि बंधणाओ मोइ ।
,
पच्छण्णठाणे ठिओ कालीदासो सव्वं निरूवेइ । जया ते दुवे बाहिरनिग्गए पासेइ, पासित्ता ते घेत्तूण नियघरंमि गओ । सम्मं अन्नपाणेहिं सक्कारित्ता सम्माणित्ता य निवसहाए ते विउसे गहिऊण समागओ । भोयनरिंदं कहे — 'उज्जमेण जिअं, नियईए पराइअं ' ति, जओ उज्जमवाई पंडिओ उज्जमेण छुट्टिओ अवरो उज्जमाभावाओ न छुट्टिओ । 'जो नियइमेव पहाणं मन्ने सो पमाई कहिज्जइ' । जत्थ पद्माओ तत्थ खुहा पिवासा दुक्खं मरणं च अवस्सं संभवेइ । जो उज्जमं कुणइ सो कयाइ दुक्खाओ मुंचइ, किंपि य फलं पावेइ । नियइवाई उज्जमेण विणा फलं न लहेज्जा । तओ उज्जमो पहाणो णायव्वो । तओ भोयनरिंदो उज्जमवाइपंडिअं दव्ववत्थाहूसणेहिं सम्माणेइ । नीइसत्थे वि— 'उज्जमे नत्थि दालिद्दं' । अओ उज्जमो कया वि न मोत्तव्वो ।
खण्ड १
O
१९५