Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 235

उज्जमस्स फलं
१०
एगया भोयनरिंदस्स सहाए दुण्णि विउसा समागया । तेसु एगो नियइवाई — 'जं भावीजं नन्नहा होइ' । अओ सो उज्जमं विणा भावि चिय मन्ने । अन्नो पंडिओ – 'उज्जममेव फलदाणे पमाणेइ,' जओ अलसा कं पि फलं न लहंति, जओ वुत्तं
"उज्जमेण हि सिज्झंति, कज्जाई, न पमाइणो ।
न हि सुत्तस्स सिंघस्स, पविसंति मिगा मुहे ।। "
एवं बीओ उज्जमेण फलवाई अत्थि । भोयनरिंदेण ते दोवि आगमणपओयणं पुट्ठा, ते कहिंति – 'विवायनिण्णयत्थं तुम्हाणमंतिए अम्हे आगया' । रण्णा वुत्तं — 'तुम्हाणं जो विवाओ अत्थि तं कहेह' । तया ते दुण्णि वि नियं मयं जुत्तिपुरस्सरं निवइणो पुरओ ठवेइरे । राया विआरेइ – 'एत्थ किं परमत्थआ सच्वं ?, तं च कहं जाणिज्जइ '? तया निण्णेउमसमत्थो 'कालीदासपंडिअं पुच्छइ – 'एएसि नाओ कहं किज्जइ ? किं व उत्तरं दिज्जइ ?'
कालीदासो कहेइ — “हे नरिंद! जह दक्खाए रसो चक्खिज्जमाणो महुरो खट्टो वा नज्जइ, तह य एयाण विवाओ कसिज्जइ, तेण सच्चो असच्चो वा जाणिज्जइ " । राया कहेइ - ' कसणकिरियाए अत्थि को वि उवाओ ?, जइ सिया, तया कसिज्जउ' ।
कालीदास तया ते दुणि विउसे बोल्लाविऊण तेसि नेत्ताइं पडेण बंधित्ता, दुवे य हत्थे पिट्ठस्स पच्छा बंधिअ, पाए गाढयरं निअंतिअ अंधयारमए अववरगे ठवेइ, कहेइ य “जो दइव्ववाई सो दइव्वेण छुट्टड, जो उज्जमवाइ सो उज्जमेण छुट्टेज्जा" एवं कहिऊण सो पच्छा नियत्तो । तओ जो नियइवाई सो 'जं भावि तं होहिइ' त्ति मन्नमाणो निचितो समाणो सुहेण तत्थ सुत्तो । उज्जमवा जो, सो छुट्टणाय बहुं उज्जमं कुणेइ । हत्थे पाए अ भूमीए उवरिं इओ तओ घंसेइ, परंतु गाढयरबंधणत्तणेण जया सो न छुट्टिओ, तया सो न छुट्टिओ, तया नियइवाई विउसो कहेइ — “ किं मुहा उज्जमकरणेण, एसो निविडो बंधो कया वि न छुट्टिहिइ ? निप्फलेण बलहाणिकारणायासेण किं ?, खुहापिवासापीलिआणं पि अम्हाणं नियईए सरणं चिअ वरं ।
१९४
प्राकृत स्वयं-शिक्षक