Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 223

नडपुत्तो रोहो
उज्जेणि नामेणं वित्थिण्णसुरभवणा समुद्धरधणोहा मालवमंडलमंडणभूआ नयरी समत्थि। तत्थ जियसत्तूनामा रिउपक्खविक्खोहकारओ नयगुणसणाहो सइ-गुणी सुदढपणओ नरनाहो आसी।
अह उज्जेणिसमीवे सिलागामो गामो। तत्थ य भरहो नडो। सो य तग्गामे पहू, नाडयविज्जाए लद्धपसंसो य। तस्स णामेण रोहओ, मामस्स य सोहओ सुओ।
___ अन्नया कयाइ वि मया रोहयमाया। तओ भरहो घरकज्जकरणकए अण्णं तज्जणणिं संठवेइ।
रोहओ य बालो। सा य तस्स हीलापरायणा हवइ। तो तेण सा भणिया—“अम्मो जं ममं सम्मं न वट्टसि, न वं सुंदरं होही। एत्तो अहं तह काहं जह तं मे पाएस पडसि।"
___ एवं कालो वच्चइ। अह अण्णया कयाइ वि ससिंपयासधवलाए रयणीइ सो एगसज्जाए जणगसहिओ पासुत्तो। तो रयणिमज्झभागे उट्ठित्ता उब्भएण होऊणं उच्चसरेणं जणओ उट्ठाविय भासिओ जहा—“ताय ! पेक्खसु एस कोइ परपुरिसो जाइ !"
स सहमुट्ठिओ जाव निद्दामोक्खं. काऊणं लोयणेहि जाएइ ताव तेण न दिट्ठो कोइ पुरिसो। ___ ततो रोहओ पुट्ठो–“वच्छा ! सो कत्थ परपुरिसो!"
तेण जणओ भणिओ—“इमेणं दिसाविभागेणं सो तुरियतुरियं गच्छंतो मे । दिट्ठो।"
तओ सो महिलं नट्ठसीलं परिकलिय तीए सिढिलायरो जाओ। सा पच्छायावपरिगया भासइ
"वच्छ ! मा एवं कुणसु।” रोहओ भणइ-“कहं मम लटुं न वट्टामि?" सा बेइ–“अह लट्ठ वट्टिस्सं। तओ तुमं तहा कुणसु जहा एसो तुह
प्राकृत स्वयं-शिक्षक