Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 230

मग्गीअ।. तया पुरोहिओ सुद्दुत्ति कहेइ। एवं सो तइओ जामाया 'भूसज्जाए विजयरामो' वि निग्गओ। • अहुणा केवलं केसवो जामायरो तत्थ ठिओ संतो गंतुं नेच्छइ। पुरोहिओ वि केसवजामाउणो निक्कासणत्थं जुत्तं विआरिऊण नियपुतस्स किंचि वि कहिऊण गओ। जया केसवजामायरो भोयणत्थं उवविट्ठो, पुरोहिअस्स य पुत्तो समीवे वट्टइ, तया सो समागओ समाणो पुत्तं पुच्छइ—'वच्छ ! एत्थ मए रूवगो मुक्को सो य केण गहिओ?' । सो कहेइ–'अहं न जाणामि'। पुरोहिओ बोल्लेइ–'तुमए च्चिय गहिओ, हे असच्चवाइ ! पाव ! धिट्ठ ! देहि मम तं, अन्नह तं मारइस्सं' ति कहिऊण सो उवाणहं गहिऊण मारिउं धाविओ। पुत्तो वि मुढेि बंधिऊण पिउस्स सम्मुहं गओ। दोण्णि ते जुज्झमाणे दट्ठण केसवो ताणं मज्झे गंतूण जुज्झह मा जुज्झह' त्ति कहिऊण ठिओ। तया सो पुरोहिओ 'हे जामायर ! अवसरसु अवसरसु' ति कहिऊण तं उवाणहाए पहरेइ। पुत्ते वि 'केसव ! दूरीभव दूरीभव' ति कहिऊण मुट्ठीए तं केसवं पहरेइ। एवं पिअर-पुत्ता केसवं ताडिंति । तओ सो तेहिं धक्कामुक्केण ताडिज्जमाणो सिग्धं भग्गो। एवं 'धक्का मुक्केण केसवो' सो चउत्थो जामायरो अकहिऊण गओ।
_ तद्दिणे पुरोहिओ निवसहाए विलंबेण गओ। नरिंदो तं पुच्छइ–“किं विलंबेण तुमं आगओ सि ।” सो कहेइ–विवाहमहूसवे जामायरा समागया। ते उ भोयणरसलुद्धा चिरं ठिआवि गतुं न इच्छंति । तओ जुत्तीए सव्वे निक्कासिआ।
ते एवं
-: “वंजकुडा मणीरामो, तिलतेल्लेण माहवो। .: . भूसज्जाए विजयरामो, धक्कामुक्केण केसवो॥" - तेण सव्वो वुत्तंतो नरिंदस्स अग्गे कहिओ। नरिंदो वि तस्स बुद्धीए अईव तुट्ठो। एवं जे भविआ कामभोगविसयमूढा सयं चिय कामभोगाइं न चएज्जा, ते एवंविहदुहाणं भायणं हुंति।
खण्ड १