Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 229

भोयणं कत्थ सिया, एसो वज्जकुडरोट्टगो साउत्ति गणिऊण भोत्तव्वो । जआ - 'परन्नं दुल्लहं लोगे' इअ सुई तए किं न सुआ ?, तब इच्छा सिया तया गच्छसु, अम्हे उ जया ससुरो कहिही तया गमिस्सामो " । एवं मित्ताणं वयणं सौच्चा पभाए ससुरस्स अग्गे गच्छित्ता सिक्खं आणं च मग्गेइ । ससुरो वि तं सिक्ख दाऊण पुणरवि आगच्छेज्जा, एवं कहिऊण किंचि अणुसरिऊण अणुण्णं देइ । एवं पढमो जामायरो 'वज्जकुडेण मणीरामो' निस्सारिओ ।
पुणरवि भज्जं कहे —– अज्जप्पभिई जामायराणं तिलतेल्लेण जुत्तं रोट्टगं दिज्जा। सा भोयणसमए जामाऊणं तेल्लजुत्तं रोट्टगं देइ । तं दद्दू माहवो नाम जामायरो चिंतेइ—–घरंमि वि एयं लब्भइ, तओ इओ गमणं सुहं । मित्ताणं पि कहेइ – हं कल्ले गमिस्सं, जओ भोयणे तेल्लं समागय । तया ते मित्ता कहिंति – 'अम्हकेरा सासू विउसी अत्थि, जेण सीयाले तिलतेल्लं चिअ उयरग्गिदीवणेण सोहणं, न घयं, तेण तेल्लं देइ, अम्हे उ एत्थ ठास्सामो' । तया माहवो नाम जामायरो ससुरपासे गच्चा सिक्खं अणुण्णं च मग्गेइ । तया ससुरो 'गच्छ गच्छ ' त्ति अषुण्णं देइ, न सिक्खं । एवं 'तिलतेल्लेण माहवो' बीओ वि जामायरो गओ ।
तइअ-चउत्थजामायरा न गच्छति । " कहं एए निक्कासणिज्जा' इअ चिंतित्ता लद्धुवाओ ससुरो भज्जं पुच्छेइ – 'एए जामाउणो रत्तीए सयणाय कया आगच्छंति ?' तया पिया कहेइ—–'कयाइ रत्तीए पहरे गए आगच्छेज्जा, कया दुतिपहरे गए आगच्छति' । पुरोहिओ कहेइ – 'अज्ज रतीए तुमए दारं न उग्घाडियव्वं, अहं जागरिस्सं' । ते दोणि जामायरा संझाए गामे विलसिउं, गया, विविहकीलाओ कुणंता नट्टाइं च पासंता, मज्झरतीए गिद्दारे समागया । पिहिअं दारं दट्ठूण दारुग्घाडणाए उच्चयरेण रविंति —– ' दारं उघाडेसु' ति । तया दारसमीवे सयणत्थो पुरोहिओ जागरंतो कहे — 'मज्झरत्तिं जाव कत्थ तुम्हे थिया? अहुणा न उग्घाडिस्सं जत्थ उग्घाडिअद्दारं अस्थि, तत्थ गच्छेह' एवं कहिऊण मोणेण थिओ |
तया ते दुणि समीवत्थियाए तुरंगसालाए गया । तत्थ अत्थरणाभावे अईवसीयबाहिया तुरंगमपिटुच्छाइ अवत्थं गहिऊण भूमी सुत्ता । तया विजयरामेण चिंतिअं - 'एत्थ सावमाणं ठाउं न उइअं । तओ सो मित्तं कहेइ - 'हे मित्त ! कत्थ अम्हं सुहसेज्जा ? कत्थ य इमं भूलोट्टणं ?, अओ गमणं चिअ वरं । स मित्तो बोल्लेइ – 'एआरिसदुहे वि परन्नं कत्थ ? अहं तु एत्थ ठास्सं । तुमं गंतुमिच्छसि जइ, तया गच्छसु ।' तओ सो पच्चूसे पुरोहिय समीवे गच्चा सिक्खं अणुण्णं च
प्राकृत स्वयं-शिक्षक
१८८