Prakrit Swayam Shikshak

Author(s): Prem Suman Jain
Publisher: Prakrit Bharati Academy

Page 209

लीलावईकहा
मंगलाचरणं
णमह. सारोससुयरिसण सच्चवियं कररुहावलीजुयलं । हिरणक्क्सवियडोरत्थलट्ठिदलगब्भिणं हरिणो ॥१॥ तं णमह जस्स तइया तइयवयं तिहुयणं तुलंतस्स । . सायारमणायारे अप्पणमप्प च्चिय णिसणं ॥२ ॥ .. तस्सेय पुणो पणमह णिहुयं हलिणा हसिज्जमाणस्स। अपहुत्त-देहली-लंघणद्धवह-संठियं
चलणं ॥३॥ सो जयउ जस्स पत्तो कंठे रिट्ठासुरस्स घणकसणो। . उप्पायपवड्डियकालवासकरणी . भुयप्फलिहो ॥४॥ रक्खंतु वो महोवहिसयणे 'सेसस्स फेणमणिमऊहा। हरिणो सिरिसिहिणोत्थयकोत्थुहकंदंकुरायारा ॥५॥ हरिणो जमलज्जुणरिट्ठकेसिकंसासुरिंद-सेलाण । । भंजणवलणवियारणकड्डणधरणे भुए णमह ॥६॥ . कक्कसभुयकोप्परपूरियाणणो . कढिणकरकयावेसो।। केसि-किसोर-कयत्थण-कउज्जमो जयइ महुमहणो ॥७॥ सो जयउ जेण तयलोय-कवलणारंभ-गब्भिय मुहेण । ओसावणि व्व पीया सत्त वि चुलुय-ट्ठिया उयहीं ॥८॥ गोरीए गुरुभरक्कंतमहिससीसटिभंजणुद्धरियं । णमह णमंतसुरासुरसिरमसिणियणेउरं चलणं ॥९॥ चंडीए कढिणकोयंडकड्डणायाससेय कलिलुल्लो । णित कुसंभुप्पीलो रक्खउ वो कंचुओ णिच्चं ॥१०॥ ससहरकरसंवलिया तुम्हं सुरणिण्णयाए णासंतु । पावं फुरंतरुद्दट्टहासधवला जलुप्पीला ॥११!!
१६८
प्राकृत स्वयं-शिक्षक