Book Title: Pankhini pankhe vivekni Aankhe
Author(s): Ratnasundarsuri
Publisher: Ratnasundarsuriji

View full book text
Previous | Next

Page 56
________________ આકાશનો રાજા ગરુડ આજે વનના રાજા કેસરી સિંહને મળવા એની ગુફામાં પહોંચી ગયો હતો. અલબત્ત, સમસ્ત પંખીજગતમાં અને સમસ્ત પશુજગતમાં આ બંને રાજાઓની મુલાકાતે ગજબનાક આકર્ષણ જમાવ્યું હતું પરંતુ લગભગ એક કલાક જેટલી ચાલેલ મુલાકાત બાદ જે જાહેરનામું બહાર પડ્યું એ વાંચીને બધાએ રાહતનો દમ ખેંચ્યો. જાહેરનામામાં લખવામાં આવ્યું હતું કે સલામતી ચાહે પશુઓની હોય કે પંખીઓની હોય, એનાં કેન્દ્રસ્થાને વૃક્ષો જ છે. માણસજાતને હડકવા લાગ્યો છે ઔદ્યોગિક વિકાસનો અને એ માટે એણે શરૂ કર્યું છે લાખો વૃક્ષોનું નિકંદન કાઢવાનું. જો આપણે સહુએ ટકી રહેવું હોય તો વૃક્ષોને બચાવવા જ જોઈએ અને વૃક્ષોને બચાવી લેવા માટે માણસજાતને વૃક્ષો પાસે આવતા આપણે અટકાવી દેવો જ જોઈએ. અમે સમસ્ત પશુપંખીઓને આ જાહેરનામા દ્વારા જાણ કરીએ છીએ કે તમામ પ્રયાસોથી માણસજાતની જંગલ પ્રવેશ માટે નાકાબંધી કરી જ દો. એનો ઔદ્યોગિક વિકાસ આપણાં જીવનનો નાશ કરી દેનારો બને એ તો શું ચાલે?

Loading...

Page Navigation
1 ... 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100