________________
બે બાલ. અંદરના અને બહારના વાતાવરણને સર્વમંગલમયતા અક્ષવાની અનન્ય ક્ષમતાવાળા શ્રીનમસ્કાર મહામંત્રની આછી-પાતળી આરાધનાના પ્રભાવે થએલી રણાઓના નાનકડા સંગ્રહરૂપ આ પુસ્તકમાં વિવેકી વાચકોને જે કાંઈ સારભૂત પ્રતીત થાય તે શ્રીનમસ્કાર મહામંત્રની દેનરૂપે સમજવું અને જે કાંઈ અસ્પષ્ટ, અધૂરું, છીછરું અને ચરમ તીર્થપતિ શ્રી મહાવીર પરમાત્માની આજ્ઞારૂપ શાસ્ત્રની વિરુદ્ધ લખાઈ ગયું હોય તેને મારી પોતાની અજ્ઞાનદશાના ફાલરૂપે સમજવું. તે બદલ હું ત્રણે ય જગતના ત્રણ કાળના સર્વ ભવ્ય આત્માઓને દેવ—ગુ-ધર્મની સાક્ષીએ અત્યંત વિનમ્રતાપૂર્વક, રડતા અંતકરણે મિચ્છામિ દુક્કડં દઉં છું.
“શ્રીનવકાર મહામંત્ર છે, પરમમંત્ર છે, અભયમંત્ર છે, જીવનમંત્ર છે, ચારિત્રમંત્ર છે, મુક્તિ મંત્ર છે. એ બધું જાણવા અને સમજવા છતાં જે તેનામાં તથા પ્રકારની નિકા ન કેળવાય, તે ભેજનની સ્વાદિષ્ટ વાનીઓના માત્ર વર્ણનથી માનવીની ક્ષુધા નથી ટળતી તેમ, જીવની અનાદિની મોક્ષ-ક્ષુધા ન જ ટળે.'
સમભાવસ્થિત પરમ પૂજ્ય ગુરુદેવ પં. મહારાજ શ્રીભદ્રંકર વિજયજી ગણિવરનાં આવાં ગહન, સુંદર વચનામૃતેમાં રહેલી અદ્ભુત પ્રેરકતાએ મારા જીવનમાં મહામંત્ર શ્રીનવકારને સમર્પિત થવાની તાલાવેલી જગાડી અને તેમાંથી જે ભાવે કુર્યા તેના સંગ્રહરૂપે આ પુસ્તક છે.
