Mahavir Chariyam

Author(s): Nayvardhanvijay
Publisher: Ahmedabad Paldi Merchant Society Jain Sangh

Page 582

श्रीगुणचंद महावीरच० प्रस्तावः
गोशालकस्य विमलवाहनभव:,
॥२८४॥
अकोसेही एगे उवह सिही तदपरे महापायो । अन्नेसि निग्घिणमणो काराविस्सइ छबिच्छेयं ॥ २॥ एगेसिं हरिस्सइ वत्थपत्तकंबलपमोक्खमुवगरणं । अन्नसिं समणाणं वारिस्सइ भत्तपाणंपि ॥३॥ अन्ने निवासिस्सइ नियनयरपुरागरासयाहिंतो। अन्ने पुण मारिस्सइ सत्थेहि लहू सहत्थेण ॥४॥ इय एवंविहमसमंजसं तओ पेच्छिऊण पउरजणा । भत्तिविणउत्तिमंगा तं एवं विनविस्संति ॥५॥ देव ! न जुत्तं सोऽपि एयमचंतमजससंजणगं । समणाण धम्मविग्यो जं एवं हवइ तुह रजे ॥६॥ दुट्ठाण निग्गहो सिपालणं नियकुलकमायरणं । रायाण एत्तियं चिय सलहिजइ किंथ सेसेहिं ? ॥७॥ एकमकित्ती सवत्थ तिहुयणे उन्नमइ महापावं । अन्नं चिय रजखओ हीलिजंतेसु समणेसु ॥८॥ अन्नं च-जइ देव ! कहव कुप्पंति तुम्ह समणा इमे समियपावा । ता सयलंपिवि रटुं दहति हुंकारमेत्तेण ॥९॥ एएसिं पभावेणं धरति धरणिं सुहेण नरवइणो । एत्तो चिय मजायं जलनिहिणोऽवि हु न लंघंति ॥ १०॥ ता देव ! विरमसु धुवं तवस्सिजणपीडणाओ एयाओ। अकलंकचिय कित्ती जह वियरइ तिहुयणे तुम्ह ॥ ११ ॥ इय पुरजणेहिं सुवहुप्पयारवयणेहिं वारिओ संतो। भावविरहेऽवि सो तं पडिसुणिही तयणुवित्तीए ॥१२॥
अन्नया य सो रहवरारूढो निग्गच्छिही, इओ य सुभूमिभागे उजाणे तिनाणोवगओ विउलतेउलेसामाहप्प-| दुद्धरिसो विविहतवचरणनिरओ सुमंगलो नाम तबस्सी आयाविस्सइ, सो य राया तेणप्पएसेण वचमाणो!
PRAKACHCANCE
॥२८४॥