Mahavir Chariyam

Author(s): Nayvardhanvijay
Publisher: Ahmedabad Paldi Merchant Society Jain Sangh

Page 681

PANCENGALORDSMS406
खाइगसम्मदिट्टी तुम, आगमिस्साए य उस्सप्पिणीए तत्तो उपट्टित्ता पउमनाभनामो पढमतित्थयरो भविस्ससि । एवं निसामिऊण पहिट्ठो राया भणिउमाढत्तो
जइ तित्थयरो होहामि नाह! तुह पायपूयणपसाया। ता थेवकालिया नरयवेयणा मज्झ किं काही? ॥१॥ किं चोजं जयबंधव ! जं तुह सरणेवि मारिसेहिं लहुं । भुवणब्भुयभूयाइं सामिय ! सोक्खाई लभंति ? ॥२॥ अहवा किं सोऽवि पहू सेविजइ जोग्गयंपि दट्टण । जो अत्तणो न तुलं देइ पयं सेवगजणस्स ॥३॥ एवंविहवरकल्लाणदायगं जाणिपि जो न तुमं । सेवेइ जो न मणुओ सो नूणं अत्तणो सत्तू ॥४॥
एवं सुचिरं जयगुरुं अभिनंदिऊण नयरं पविटेण सेणिएण वाहरिओ मंतिसामंतअंतेउरपमुहो जणो, भणिओ य-जो जयगुरूणो समीवे पवजं पडिवजइ तमहं न वारेमि, एवं सोचा वहवे कुमारा मंतिणो सामंता अंतेउरीजणो नायरलोगो य निक्खंतो भयवओ समीवे, कइवयदिणावसाणे य अणेगाहिं देवकोडीहिं अणुगम्ममाणो भगवं वद्धमाणो बहिया विहरिउमारद्धो। ___ एगया तद्दिणदिक्खियाणंपि थेवपवजापजायाणं मुणीणं केवलनाणमुपजमाणमवलोइऊण जायसंसओ जयगुरुमापुच्छइ-भयवं! किमहं केवलालोयभागी भविस्सामि न वा?, सामिणा जंपियं-भो देवाणुप्पिय ! मा संतप्पसु, अंते तुल्ला भविस्सामोत्ति, इमं सोच्चा तुट्ठो गोयमो । अह भय तेसु तेसु पुरागराइसु अइमुत्तयलोहज्झयअभय
CHOCOLCANC444NAGAC