Mahavir Chariyam

Author(s): Nayvardhanvijay
Publisher: Ahmedabad Paldi Merchant Society Jain Sangh

Page 691

नच्चंतीसु सुरसुंदरीसु तूरेसु वजमाणेसु । अचंतसोगविहुरे संघमि य संथुर्णतमि ॥ २२॥ अग्गिकुमाराण जलणजालजालापलीवियाए लहुं । आरोविति चियाए जिणबुंदि असुरसुरवइणो ॥२३॥ वाउकुमारा वायं कुणंति अवरे सुरा पुण खिवंति । गंधडधूवमुहिँ घयमहुकुंभे य पुणरुतं ॥ २४ ॥ मसाइएसु दड्डेसु तो चियं निवर्विति थणियसुरा । खीरोयवारिधाराहि सिसिरगंधाभिरामाहि ॥ २५ ॥ अह पहुणो उवरिलं मंगलकएण दाहिणं सकहं । गिण्हइ सको हेद्विलयं च चमरो असुरराया ॥ २६ ॥ ईसाणिंदो वामं उवरिलं तस्स हिट्ठिमं च बली । इयरे सुरासुरिंदा जहारिहं अंगुवंगाई ॥ २७ ॥ तत्तो चियाय ठाणे विचित्तरयणेहिं विरइयं थूभं । निबाणगमणमहिमं जत्तेण कुणंति जयगुरुणो ॥२८॥ अह निवत्तियतकालजोग्गनीसेसनिययकायबा । सोगभरमंथरगिरं एवं भणिउं समाढत्ता ॥ २९॥ अजं चिय अत्यमिओ दिवायरो अज भारहं खेत्तं । अवहरियसाररयणं जायं नाहे सिवं पचे ॥३०॥ एत्तो पयंडभववेरिपीडियाणं पणबुद्धीण । अम्हारिसाण सरणं को होही नाह! तुह विरहे ? ॥ ३१ । ससुरासुरंपि भुवणं मन्ने निप्पुन्नयं समग्गंपि । अन्नह कुलसेलाऊ हुँतोसि तुमं जिणवरिंदा! ॥३२॥ अहवाऽवस्संभाविसु वत्थुसु संतावकप्पणा विहला । एकमियाणि विजयउ सइ तित्थं तुज्झ जपनाह ! ॥३३ ॥ इय जंपिऊण दुस्सहजयगुरुविरहग्गिदूमिया सक्का । नंदीसरंमि गंतुं काउं अट्ठाहियामहिमं ॥ ३४ ॥