Mahavir Chariyam

Author(s): Nayvardhanvijay
Publisher: Ahmedabad Paldi Merchant Society Jain Sangh

Page 692

श्रीगुणचंद महावीरच. ८प्रस्तावः
इन्द्रादिमिरंगादि
नयनं निर्वाणमहश्व
॥३३९ ।।
HOCAMERASADKAASCUR
वचंति देवलोगं वइरामयवट्टवरसमुग्गेसु । जिणसंकहाओ ताओ खिवंति जत्तेण पूइत्ता ॥ ३५ ॥ अह सा जिणस्स निवाणजामिणीसुरतनूकउजोया । दीवूसवोत्ति अजवि पईवरिसं कीरइ जणेण ॥ ३६ ॥ गोअमसामीवि नहोयरंतसुरवरविमाणपेच्छणओ। नाउं जिणनिवाणं चिंतेउमिमं समाढत्तो ॥३७॥ एकदिणमेत्तकज्जेण कीस नाहेण पेसिओऽहमिहं ? । चिरसंथुएसु किं वा जुजइ एवं विहं काउं? ॥ ३८ ॥ हा हा अहं अहन्नो जो सुचिरं सेविऊण कमकमलं । पजंते जयगुरुणो संपइ विच्छोहिओ एवं ॥ ३९ ॥ अहवा जिणंमि वोच्छिन्नपेमदोसंमि कीस हे हियय ! । पढम चिय पडिवंधं कुणसि ? जमेत्तो वहसि सोगं ॥४०॥ संसारवल्लिजलसारणीसमो दुग्गदुग्गइदुवारं । सिवसोक्खखिराण मूलमणत्थाण पडिबंधो॥४१॥. ते धन्ना सप्पुरिसा लीलाए च्चिय निसुंभिओ जेहिं । सुहहरिणक्खयकारी मोहमहाकेसरिकिसोरो॥४२॥ इय सुक्कज्झाणानलनिदघणघाइकम्मदारुस्स । गोअमपहुस्स सहसा उप्पन्नं केवलं नाणं ॥४३॥ बारस वासाइं विबोहिऊण भवे सिवं गए तंमि । भयवं सुहम्मसामी निवाणपहं पयासेइ ॥४४॥ तंमिवि चिरकालं विहरिऊण सिरिजंबुसामिणो दाउं । गच्छगणाणमणुन्नं संपत्ते सिद्धिवासंमि ॥ ४५ ॥ एवं विजाहरनरसुरिंदसंदोहवंदणिजेसु । समइकतेसु महापहूसु सेजंभवाईसु ॥४६॥ अइसयगुणरयणनिही मिच्छत्चतमंधलोयदिणनाहो । दूरुच्छारियवइरो वइरसामी समुप्पन्नो ॥४७॥
MAR
॥३३९॥