Mahavir Chariyam

Author(s): Nayvardhanvijay
Publisher: Ahmedabad Paldi Merchant Society Jain Sangh

Page 693

साहाइ तस्स चंदे कुलंमि निप्पडिमपसमकुलभवणं । आसि सिरिवद्धमाणो मुणिनाहो संजमनिहिच ॥४८॥ बहलकलिकालतमपसरपूरियासेसविसमसमभागो। दीवेणं व मुणीणं पयासिओ जेण मुत्तिपहो ॥४९॥ मुणिवइणो तस्स हरअट्टहाससियजसपसाहियासस्स । आसि दुवे वर सीसा जयपयडा सूरससिणोच ॥५०॥ भवजलहिवीइसंभंतमवियसंताणतारणसमत्थो । बोहित्योच महत्थो सिरिसूरिजिणेसरो पढमो ॥५१॥ गुरुसाराओ धवलाउ सुविहिया (निम्मला पु.) साहुसंतई जाया।हिमवंताओ गंगव निग्गया सयलजणपुजा ॥५२॥ अन्नो य पुनिमायंदसुंदरो बुद्धिसागरो सूरी। निम्मवियपवरवागरणछंदसत्थो पसत्थमई ॥५३॥ एगंतवायविलसिरपरवाइकुरंगभंगसीहाणं । तेसिं सीसो जिणचंदसुरिनामो समुप्पन्नो ॥ ५४॥ संवेगरंगसाला न केवलं कवविरयणा जेण । भवजणविम्हयकरी विहिया संजमपवित्तीवि ॥ ५५ ॥ ससमयपरसमयन्न विसुद्धसिद्धंतदेसणाकुसलो। सयलमहिवलयवित्तो अन्नो ऽभयदेवसूरिचि ॥ ५६ ॥ जेणालंकारधरा सलक्खणा वरपया पसन्ना य । नवंग (सिद्धंत पु.)वित्तिरवणेण भारई कामिणिव कया ॥५७॥ तेसिं अस्थि विणेओ समत्थसत्थत्थबोहकुसलमई । सूरी पसन्नचंदो चंदो इव जणमणाणंदो ॥५८॥ तत्वयणेणं सिरिसुमइवायगाणं विणेयलेसेण । गणिणा गुणचंदेणं रइयं सिरिवीरचरियमिमं ॥ ५९॥ एयस्स विरयणंमी निबंधो जेसि गाढमुप्पन्नो । ते पुण मूलाओ चिय साहिते निसामेह ॥ ६ ॥