Mahavir Chariyam

Author(s): Nayvardhanvijay
Publisher: Ahmedabad Paldi Merchant Society Jain Sangh

Page 687

CA
मइ निवाणमुवगए पंचमअरओ उ दूसमा होही । तीऍ वसा भवोऽवि हुन जणो धम्मुज्जम काही ॥१॥ मुणिणोऽवि परोप्परकलहकारिणो बहुपरिग्गहासत्ता । वहिस्संति न सम्म वाहुलेणं सधम्ममि ॥२॥ पासंडिणोऽवि नियनियगंथत्थपरंमुहा मयणमूढा । पम्मुक्कधम्मकम्मा ओलग्गिस्संति राईणं ॥३॥ पागयलोगो मोतुं कुलमेरं तेसु तेसु कजेसु । अचंतगरहिएसुवि वहिस्सइ जीविगाहेउं ॥ ४ ॥ अत्यप्पिया य अइदप्पिया य परछिद्दपेच्छणपरा य । पीडिस्संति जणोहं पयंडदंडेहि नरवइणो ॥५॥ एक्कजणणीपसूयावि भाइणो जणगदबलोभेण । अन्नोनजीवघायं काउं दढमभिलसिस्संति ॥ ६॥ धम्मच्छलेण पावं विमूढमइणो समायरिस्संति । पसुमेहकूवखणणाइएसु कम्मेसु वटुंता ॥७॥ भूयभविस्सत्थेसु य विनाणं देवयावयारो वा । विजा सिद्धी य वरा बाहुल्लेणं न होहिंति ॥ ८ ॥ उम्मग्गदेसणामग्गनासणावंचणाभिरयचित्ता । गुरुणोऽवि जहिच्छाए धम्मायारं चरिस्संति ॥९॥ तविहिंति खरं रविणो नो वरिसिस्संति समुचियं मेहा ।रोगायंका मारी य विद्दविस्संति जणनिवहं ॥१०॥ उसिखलखलजणहीलणाहिं अणिमित्तऽणत्यघडणाहिं । पाविस्सइ खणमेत्तपि नेव सोक्खं विसिट्ठजणो॥११॥ वाससहस्सा इह एकवीसई जाव दोसपरिहीणं । दुप्पसहंतं चरणं पवित्तिही भरहखेत्तंमि ॥ १२ ॥ इस एसो संखेवेण तुज्झ गोयम ! मए समणुसिट्ठो। दूसमकालसमुत्थो वुत्तंतो भवभयजणगो ॥ १३॥
SSECSECSCARSA
५७ महा.