Book Title: Dharmvidhiprakaranam
Author(s): Shreeprabhsuri
Publisher: Bhadrankar Prakashan
View full book text
________________
२८८
10
श्रीधर्मविधिप्रकरणम् इत्थ य सुहम्मसामी, समोसढो अत्थि वीरजिणसीसो । तव्वंदणाय चलिओ, किं इस्सह मित्त ! तुब्भे वि ॥४२१॥ चलसु त्ति भणिय सिट्ठी, चलिओ सह तेण पणइणीसहिओ । पत्तो य सुहम्मप्पहु-पयपउमपवित्तियं ठाणं ॥४२२।। अह सिरिसुहम्मसामी, दुवालसावत्तवंदणगविहिणा । अभिवंदिउं निविट्ठो, पुरओ पंजलिउडो सिट्ठी ॥४२३|| ततो सुहम्मपहुणो, रसं व धम्मोवएससव्वस्सं । ते बद्धअंजलीया, पियंति कन्नंजलिपुडेहिं ॥४२४॥ समयम्मि सिद्धपुत्तो, पणमिय पुच्छइ सुहम्मगणनाहं । नामेण जीइ जंबु-दीवो सा केरिसो जंबू ॥४२५।। अह अक्खइ तं जंबुं , वररयणमयागई गणहरिंदो । तस्स पभावं माणं, सव्वं पि सरूवमवरं च ॥४२६॥ लहिऊण सपत्थावं, पुच्छेई धारिणी वि गणनाहं । एयम्मि भवे भयवं !, मह पुत्तो भविस्सइ न वि त्ति ॥४२७।। तो भणइ सिद्धपुत्तो, भद्दे ? जुज्जइ न पुच्छिउं एयं । जं मुणिणो सावज्ज, जाणंता वि हु न अक्खंति ॥४२८॥ जिणपयउवएसेणं, निमित्तनाणम्मि पडिओ हं पि । तुज्झ कहिस्सामि ईमं, भद्दे ! निसुणेसु उवउत्ता ।।४२९।। धीरसहावो मणसा, काएण परक्कमी य जं तुमए । सिलउच्छंगनिविट्ठो, पुट्ठो सिंहु व्व मुणिसिंहो ॥४३०॥ तं पिक्खसि सुमिणम्मी, भद्दे ? उच्छंगसंठियं सिंहं । तत्तो कुच्छीइ तुमं, सुयसिंहं धरसि अचिरेण ॥४३१।। इय पुव्वकहियजंबू-तरु व्व गुणरयणभायणं तुज्झ । देवयकयसन्निज्झो, जंबू नामा सुओ होही ॥४३२।।
15
20
१. इहं प्र० । २. इह ।
Jain Education International 2010_02
For Private & Personal Use Only
www.jainelibrary.org
Page Navigation
1 ... 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426