Dharmvidhiprakaranam

Author(s): Shreeprabhsuri
Publisher: Bhadrankar Prakashan

Page 391

३५६
श्रीधर्मविधिप्रकरणम् सोहग्गभग्गमयणो, तह बाहत्तरिकलासु निउणमई । तरुणो कुलीणचरिओ, इअ सामिणि ! तुह मणोठाणे ॥१३०२।। नारीसु तुमं एगा गुणरूवमई इमो य पुरिसेसु । ता दुण्हं पि हु सामिणि !, घडेमि जोगं समाइझसु ॥१३०३।। इय भणिऊणं देवी (हत्थी), तीसे हत्थम्मि तस्स नियलेहं । पेमंकुराण जलहर-पयसेगनिभं समप्पेइ ॥१३०४॥ चेडी वि तक्खणं सा दूईकम्मेसु पंडिया गंतुं । जंपइ तं ललियंगं, सुललियवयणं पयंपंती ॥१३०५।। देवीए सह रमिउं, चाडूहि पयड्डिऊण ललियंगं । सा अप्पइ तं लेहं, तस्स मणप्पीणणनिमित्तं ॥१३०६।। तं दट्ठण पुलइओ, कयंब इव पुप्फिओ स तत्कालं । पेमप्पयासपिसुणं, लेहं सो वायए एवं ॥१३०७॥ जइया दिट्ठो सि तुमं, सुभग ! वरागीइ मह तयाओ वि । सव्वं पि तुह मयं चिय, ता मं अणुगिण्ह मिलिऊण ॥१३०८।। इय वाइऊण लेहं, स भणइ भद्दे ! सुणेसु मह वयणं । कत्थंतेउरवासा, सा देवी कत्थ वणिओ हं ॥१३०९॥ न हि एयं सक्किज्जइ, हियए धरिउं धरिज्जए अहवा । ता न वइज्जइ वुत्तं, जं निवरमणिं रमिस्से हं ॥१३१०॥ जइ कह वि चंदलेहा, तक्किज्जइ फरिसिउं भुवि ठिएहिं । ता धुवमन्ननरेहि, भुंजिज्जइ रायरमणी वि ॥१३११॥ दासी जंपइ सव्वं, पि दुक्करं नणु सहायरहियाण । तुह पुण अहं सहाया, ता चिंतं सुभग ! मा कुणसु ॥१३१२॥ अंतेउरमज्झेणं, मह बुद्धीए अलक्खिओ सुभग ! । ठविउ व्व कुसुममज्झे, संचारिज्जसि भएण अलं ॥१३१३।। समयम्मि आहविज्जसु , ममं ति सा तेण जंपिया चेडी । तं अक्खइ गंतूणं, देवीइ तदिक्कहिययाए ॥१३१४॥
15
25