Dharmvidhiprakaranam

Author(s): Shreeprabhsuri
Publisher: Bhadrankar Prakashan

Page 395

३६०
10
श्रीधर्मविधिप्रकरणम् ण्हाउं कयंगरागो, सव्वंगीणे वि परिहए जंबू । रयणमयालंकारे, कप्पो एसु त्ति कप्पविऊ ॥१३५४॥ तत्तो अणाढिएणं, देवेणं विहियपाडिहेरवओ। नरसहसवाहिणीए , सो सिबिगाए समारुहिओ ॥१३५५॥ कासवगुत्तुप्पन्नो, सदेवमणुएहिं संथुणिज्जंतो । दाणं सयलजणाणं, सो कप्पतरु व्व वियरंतो ॥१३५६॥ तं सिरिसुहम्मगणहर-पयपउमपवित्तियं वणुद्देसं । पत्तो जंबूकुमरो, अमरो इव दिव्वरिद्धीए ॥१३५७।। दटुं सुहम्मसामि, आभरणाई विहीइ दाऊण । उत्तरिओ सिबिगाओ, संसाराउ व्व नीरागो ॥१३५८॥ अह सिरिसुहम्मपहुणो, पाए भवजलहितारणतरंडे । सो पंचंगं पणमिय, कयंजली विन्नवइ एवं ॥१३५९॥ सिवपहसत्थाह ! तुमं, भववणगहणम्मि पहपरिब्भटुं । सयणसमेयं पि ममं, सिद्धिपहे ठवसु पसिऊण ॥१३६०॥ तत्तो सुहम्मसामी, जंबुकुमारस्स परियणजुयस्स । सकरेण देइ दिक्खं, तइया जिणभासियविहीए ॥१३६१॥ अन्नदिणे संपत्तो, पियरे संपुच्छिऊण पभवो वि । अणुगच्छंतो जंबू-कुमरं गिण्हेइ पव्वज्जं ॥१३६२॥ तो पभवो संजाओ, जंबूपहुपायपंकमरालो । पढमं चिय सो गुरुणा, ठविओ तस्सेव सीसत्ते ॥१३६३॥ सेवंतो पयपउमं, सुहम्मसामिस्स चंचरीउ व्व । दुस्सहपरीसहनिवहं, अगणंतो विहरइ महीए ॥१३६४॥ अन्नदिणे संपत्तो, सुहम्मसामी निवु व्व चंपाए । परियरिओ सुहडेहिं, जंबूपहुपमुहसीसेहिं ॥१३६५।। तो आसन्नुज्जाणे, नयरीइ समोसढो गणहरिंदो । पणयजणं पीणतो, उग्गय इव धम्मकप्पतरू ॥१३६६।।
15
25