Dharmvidhiprakaranam

Author(s): Shreeprabhsuri
Publisher: Bhadrankar Prakashan

Page 384

अष्टमं सद्धर्मफलद्वारम्
३४९ किसिकम्मसारहित्तण-कणपीसणवारिकड्डणाईयं । कारिज्जइ सो सव्वं, इकं मुत्तूण तब्भोगं ॥१२११॥ नीसारिज्जंतो वि हु , सो तब्भवणाउ नेव नीहरइ । सहइ य मुणि व्व सव्वं, छुहतण्हातज्जणाईयं ॥१२१२।। ता वडवातुल्लाणं, तुम्हाणं आभिओगियं कम्मं । स इव न बंधिस्से हं, पिए ! कयं सेसजुत्तीहिं' ॥१२१३।। इत्तो सत्तमभज्जा, कमलवई उल्लवेइ हे नाह ! । साहससऊणि व्व तुम, मा साहसिओ हवसु इत्थं ॥१२१४।। को वि नरो नियलोयं, चइउं दुब्भिक्खदुक्खिओ अहियं । महया सत्थेण समं, चलिओ देसंतरं गंतुं ॥१२१५॥ एगाए अडवीए , सत्थे आवासियम्मि सो पुरिसो । इंधणतणाइहेउं , एगागी वि हु गओ दूरं ॥१२१६॥ तत्थ य एगो पक्खी, तरुगहणे सुत्तवग्घवयणाओ । दंतंतरप्पविटुं , मंसं गिण्हिय चडइ रुक्खं ॥१२१७॥ मा साहसं ति पुण पुण, भणिउं मंसं तहेव गिण्हंतो । 15 सो पक्खी तेणेवं, पुरिसेण सविम्हयं भणिओ ॥१२१८।। मा साहसं ति जंपसि, वग्घमुहाओ य आमिसं हरसि । तं मुद्धि सउणि दीससि, सवयणसरिसं न य करेसि ॥१२१९॥ ता नाह ! लद्धसुक्खं चइऊण अदिट्ठसुक्खवंछाए । एवं वयाभिलासी, नज्जसि तं साहसखगु व्व" ॥१२२०॥ "जंबू भणेइ भद्दे !, अहं न मुज्झामि तुम्ह वयणेहिं । मुंचामि न नियकज्जं, जाणतो मित्ततिगनायं ॥१२२१॥ नयरम्मि खिइपइट्ठिय-नामे जियसत्तुणो नरिंदस्स । सव्वाहिगारकारी, पुरोहिओ सोमदत्तु त्ति ॥१२२२।। तस्स य एगो मित्तो, जाओ सहमित्तनामगो इट्ठो । खाइमपाणाईसुं, सो मिलिओ चरइ सव्वत्थ ॥१२२३॥
20
25