Book Title: Dharmvidhiprakaranam
Author(s): Shreeprabhsuri
Publisher: Bhadrankar Prakashan
View full book text
________________
३०३
10
अष्टमं सद्धर्मफलद्वारम्
जंपइ कुबेरदत्तो, माय ! इमं अहह कह कयमकिच्चं । परिणावियाइ अम्हे, जं नाउं जुगलजाई पि ॥६१५॥ सा चेव वरं माया, जीइ सयं पोसणम्मि अखमाए । नियभग्गभायणाई, काउं चत्ताई नइपूरे ॥६१६।। मरणा य नइपवाहो, हवइ धुवं नो अकिच्चकरणाय । वरजीवियाउ मरणं, न जीवियं अकज्जाय ॥६१७।। अह तं जंपइ जणणी, सुण अम्हे वच्छ ! अप्पबुद्धीणि । वामोहियाइ तुम्हं, अइअणुरूवेण रूवेण ॥६१८॥ तुह अणुरूवा कन्ना, वच्छ ! न लद्धा इमं विणा को वि । एईए अणुरूवो, तुमं विणा न उण को वि वरो ॥६१९।। अज्ज वि पाणिग्गहणं, एगं चिय वच्छ ! तुम्ह संजायं । नेव पुण पावकम्मं, पुंसित्थीसंभवं अन्नं ॥२०॥ ववहारकए अहुणा, दिसिजत्तं वच्छ ! गंतुकामो सि । तं काउं खेमेणं , मह आसीसाइ आगच्छ ॥६२१।। तुह आगयस्स सिग्घं, गुरुविच्छड्डेण वच्छ ! वीवाहं । कारिस्सामि फुडमहं, सद्धिं अन्नाइ कन्नाए ॥६२२॥ तत्तो कुबेरदत्तो, एवं हवउ त्ति जंपिय जणणि । गंतुं कुबेरदत्ताइ, निण्णयं कहइ तं सव्वं ॥६२३॥ "भणइ य पिऊण भवणं, वच्चसु भद्दे ! हवेसि मह भगिणी । दक्खा विवेगिणी असि, जहोचियं ता करिज्ज तुमं ॥६२४॥ पियरेहि वंचियाई, अम्हे किं भगिणि ! संपयं कुणिमो ।
अहवा न तेसि दोसो, एसो भवियव्वया जमिमा ॥२५॥ पियरो वि जं अवच्चं, चयंति तह विक्कणंति मुल्लेण ।
कारंति अकिच्चं पि हु , सो दोसो अम्ह कम्माण" ॥६२६॥ "एवं कुबेरदत्तो, तं भणिउं पेसिउं च पिउगेहे । ववहारत्थं चलिओ, महुरानयरीइ पत्तो य ॥६२७॥
20
25
Jain Education International 2010_02
For Private & Personal Use Only
www.jainelibrary.org
Page Navigation
1 ... 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426