Vyavahar Sutram Part 01 pithika

Author(s): Munichandrasuri
Publisher: Omkarsuri Gyanmandir Surat

Page 211

श्री
व्यवहार
सूत्रम्
पीठिका
७५ (A)
चतुर्थे भने शुद्धः, विधिना प्रवृत्तेः । इहाऽऽद्यास्त्रयो भङ्गका मासलघुप्रायश्चित्तविषयाः प्रस्तावादुक्ता यावता वक्ष्यमाणेषु मासिकेषु प्रायश्चित्तेषु द्रष्टव्याः । यथा दण्डकग्रहणेऽभिहितं तथा दण्डकनिक्षेपेऽपि वक्तव्यम्, नवरं - निक्षेपेऽधस्ताद् भूमेरुपरि च दण्डशिरः सम्पर्कविषयभित्तिप्रदेशे प्रमार्जना कर्त्तव्या । तथा वसतेर्निर्गच्छन् यद्यावश्यकीं न करोति वसतौ प्रविशन् वा नैषेधिकीं तत आवश्यक्या अकरणे नैषिधिक्या अकरणे च प्रत्येकं प्रायश्चित्तं रात्रिंदिवपञ्चकम् । तथा गुरूणं च अप्पणामे इति, अत्र प्रणामग्रहणं हस्तोत्सेधादेरुपलक्षणं, ततोऽयमर्थः- अवश्यकरणीयप्रयोजनवशतः स्वोपाश्रयाद्वहिर्विनिर्गतो भूयः प्रतिश्रये प्रविशन् 'नमो खमासमणाणं' इति न ब्रूते, प्रणामं वा न करोति, नापि हस्तस्य क्षणिकत्वेपि हस्तोत्सेधं तदा प्रायश्चित्तं रात्रिंदिवपंचकम् ॥ १२५ ॥
वेंटियगह-निक्खेवे निड्डुहणे आयवाओ छायं च । थंडिल्लकण्हभोमे गामे राइंदिया पंच ॥ १२६ ॥
संस्तारकवेण्टलिकाया ग्रहणे निक्षेपे च प्रत्येकं दण्डक इव सप्तभङ्गकं तत्रापि दण्डक इवाऽऽद्येषु त्रिषु भङ्गकेषु पश्चादानुपूर्व्या यथोत्तरं तपः कालविशेषितः प्रत्येकं लघुमासः, उत्तरेषु त्रिषु भङ्गकेषु प्रत्येकं रात्रिन्दिवपञ्चकं, सप्तमे तु भङ्गे शुद्धः,
गाथा १२४-१२६ कायोत्सर्गस्वरूपादि
७५ (A)