Book Title: Upadhimat Tarjana Yane Prarupana Vichar
Author(s): Narendrasagarsuri
Publisher: Shasankantakoddharaksuri Jain Gyanmandir
View full book text
________________
પ્રરૂપણાવિચારગ્રન્થ પ્રસ્તાવના ]
[૯
વર્તમાન ગચ્છાધિપતિ આ. શ્રી વિજયદેવસૂરિજી તથા સાગરો છે તેમજ સાગરના બનાવેલા પ્રવચન પરીક્ષા અને સર્વજ્ઞશતક ગ્રંથમાં બીજા બીજા ગચ્છો-સંપ્રદાયો તેમજ પરદર્શનીઓને ખૂબજ ભાંડ્યાં છે તો તેને સદંતર ખોટા ગ્રંથો તરીકે જાહેર કરો કે–જેથી બીજા—બીજા દર્શનો અને જૈનદર્શન તથા બીજા ગચ્છોમાં શાંતિ થાય, ક્લેશ-કંકાસ મટે.”
આ નિશ્ચય કરીને પૂ. મહો. શ્રી ભાનુચંદ્રગણિને તાકીદ આપી. ભાનુચંદ્રજી ગણિ મારવાડમાં હોવાથી તેઓએ પૂ. મહો. શ્રી સિદ્ધિચંદ્ર ગણિને બધી વાતની જાણ કરીને માંડવગઢ પહોંચવાની આજ્ઞા પાઠવી. આથી ૧૬૭૩માં સિરોહીથી દડમજલ વિહાર કરીને તેઓ માંડવગઢ પહોંચી જઈને જહાંગીર બાદશાહને અરજ કરી કે પાદશાહ! એક અગત્યના કામે આવ્યો છું કે—“સાગરોએ ‘સર્વજ્ઞશતક' નામનો ગ્રંથ બનાવીને તેમાં ‘જગદ્ગુરુ તેમજ વિજયસેનસૂરિજી મ. ને ગાળો આપી છે, ખૂબ ભાંડ્યા છે, તેમ ઘણી ખોટી ખોટી વાતો લખી છે. અને તેવી જૂઠી વાતો લખનાર તે સાગરોને તેમજ તેમના પક્ષકાર સેનસૂરિજી મ. ની પાટે આવેલા વિજય દેવસૂરિજીને યોગ્ય સલાહ-સૂચના આપો અથવા સેનસૂરિ મ. ના ખરા વારસદાર એ નથી' તેમ જાહેર કરશો કે જેથી દરેક ગચ્છોમાં ક્લેશ-કંકાસની શાંતિ થાય.”
પૂ. મહો. શ્રી સિદ્ધિચંદ્રજીએ ગણિની આવી ભંભેરણીથી ઉશ્કેરાયેલા બાદશાહ જહાંગીરે ખંભાત ચોમાસું રહેલા પૂ. ભટ્ટારક શ્રી વિજયદેવસૂરિજી મ. ને તેમજ રાધનપુર રહેલા પૂ. મહો. શ્રી નેમસાગરજી ગણિને આ ચોમાસામાં માંડવગઢ આવી જવા માટેનું તાકીદનું ફરમાન મોકલ્યું! આથી ખંભાતથી પૂ. ગચ્છનાયક સપરિવાર તેમજ રાધનપુરથી મહો. શ્રી નેમિસાગરજી ગણિ, પં. વીર સા., પં. ભક્તિસા., પં. કુશલ સા., પં. પ્રેમ સા., પં. શુભ સા., પં. શાંતિ સા., પં. ગુણ સા. આદિની સાથે ચોમાસામાં જ વિહાર કરી માંડવગઢ પધાર્યા—અને બાદશાહ જહાંગીરની રાજસભામાં પંડિતોની હાજરીમાં પ્રતિસ્પર્ધી એવા પૂ. મહોપાધ્યાયોની સમક્ષ પૂ. ગચ્છાધિપતિ તથા પૂ. મહો. શ્રી નેમસાગરજી ગણિએ વાદનો પ્રારંભ કર્યો. તેમાં સર્વજ્ઞશતક ગ્રંથમાંની–કૈવલીની
