Universal Values of Prakrit Texts

Author(s): Prem Suman Jain
Publisher: Bahubali Prakrit Vidyapeeth and Rashtriya Sanskrit Sansthan

Page 292

30. दव्वसंगहेणिद्धिंविस्सजणीणमुल्लदिट्टी
- डॉ.धर्मेन्द्र जैन, जयपुर
दव्वसंगहो णाम पाइयगंथो आयरिय णेमिचंदविरइयसत्थोत्थि। इमा रयणा दसमसदीए विरइदा । जइणदंसणे सत्थं इमं अइप्पसिद्धं वट्टदे। एदम्मि गंथे जइणदंसणस्स सारं विजते। इमा लहुरूवा वि अणुवमा किदी अत्थि। गंथमज्झे सव्वत्थ विसयवत्थुवण्णणं लक्खणियसेलीइ किदं। पत्तेगं लक्खणं दव्वभावावेक्खाए य ववहारणिच्छयदिट्ठीए णिरूविदं। णिच्छयववहारदिट्ठीए जेण्हपरंपराए अज्झप्पजगम्मि दव्यसंगहो अइप्पयलिदो जादो। गंथे अट्ठपण्णासा गाहा संति। ___गंथस्स आरम्भे मंगलायरणे आयरियणेमिचंदमुणी विस्सं लक्खिय पढमं दव्वं विस्सं, त्ति कधेदि। अत्थ खलु दव्यसद्दे पमाणमवि लक्खिज्जइ। जीवमवि दव्वं, अजीवमवि दव्वं कधणे णयो वि सिज्झइ। तदो सव्वण्हूसरुवं लहिज्जइ। जदा - देविंदविंदवंदं जिणवरवसहेण जेण णिहिटुं। अत्थ सव्वण्हूसरूवं सुसिद्धमेव। भत्तिसरूवमवि पढमगाहाए उवलहिज्जइ। तं सव्वण्हुं वंदे-पणमामि, केण पयारेण-सिरसा मत्थेण णमणपुव्वेण सव्वदा सया णमामि। तदणंतरं दव्वसंगहे जीवसरूवो णवविहेण वण्णिदो। विविहदंशणियमदपुव्वयं जीवलक्खणं णिहोसमत्थ परूविदं। जधा -
जीवो उवओगमओ अमुत्ति कत्ता सदेहपरिमाणो।
भोत्ता संसारत्थो, सिद्धो सो विस्ससोडगई। - दव्वसंगहो, गाहा-२ उत्तगाहाए णेगवियारगाण णिरायरणपुव्वयं वण्णणं वट्टदे। नेयायिअदंसणिगो मुत्तजीवं णाणदंसणरहिअंमण्णइ। चव्याओ चेयणसहिददव्वं ण अणुमण्णदे। भट्टचव्वायदंसणे जीवं णिच्चं मुत्तियं त्ति कहइ। संखदंसणे अप्पा कत्ता ण बुच्चइ। नेयायिअ-मीमांसग-संख-दसणाई अप्पं सरीरप्पमाणं न वुत्ता सग-अत्तं हिययकमलट्ठिदवडबीयादिसमं मण्णिरे। बोद्धदसणं आदं खणिअं णिरुवइ । सदासिवमदो अप्पं सया सव्वण्हुरहिदं मण्णइ। भट्टचव्वाआ अप्पं सिद्धं मण्णंते। एदाणं सव्वमदाणं खण्डणस्स उत्तगाहाए णवविसेसणाणं कधणमत्थि। दव्वसंगहे सव्वत्थ णयपमाणेहिं वत्थुणिरूवणं करीअं। जधा -
अट्ठ चदुणाणदंसण, सामण्णं जीवलक्खणं भणियं ।
ववहारा सुद्धणया, सुद्धं पुण दंसणं णाणं ॥ -दव्यसंगहो, गाहा-६ अत्थ पढमबिदियचलणे तिक्काले चदुपाणा.....त्ति कधणे पमाणेण जीवस्स लक्खणं सिज्झइ। तदीयचउत्थ-चलणे ववहारणिच्छयणयाणं उल्लेहो विज्जए य।
तिक्काले चदुपाणा, इंदियवलमाउआणपाणो य। ववहारो सो जीवो, णिच्छयणयदो दु चेदणा जस्स॥ -दव्यसंगहो, गाहा-६
-250