________________
કરે છે અને એક દિવસે કૃષ્ણ, હજારો માનવોની મેદની વચ્ચે કંસને પકડી યમસદનમાં પહોંચાડી દીધો. પછી તો જરાસંધ સાથે યુદ્ધ કરતાં, તેને ચક્રથી મારી, સમગ્ર પૃથ્વીના પૃથ્વીપતિ (રાજા) બન્યા.
નેમિનાથ પરમાત્મા અને કૃષ્ણ બંને ભાઇઓ હતાં અને આસ્થી ૮૦ હજાર વર્ષો પહેલા અવનીતળ પર અહિંસાનું સામ્રાજ્ય સ્થાયી સદાને માટે અમર બન્યા છે.
આ પ્રમાણે દ્વેષમાં આવી કંસ દુર્ગતિભાજન બન્યો માટે ટ્રેષ પાપ છે, મહાપાપ છે.
૧૨ કલહપાપ
૧૮ પાપસ્થાનકોમાં 'કલહ નામના પાપને નંબર બારમાં આવે છે. વ્યાવહારિક ભાષામાં જેને ક્લેશ, કંકાસ, કજીઓ, અને જીભાજોડા કહેવાય છે. દર્શન મોહનીય અને ચારિત્ર મોહનીય નામે મોહનીય કર્મના બે પ્રકારો છે. અનન્ત સંસારમાં, ચર્મચક્ષુવાળાને માટે સર્વથા અકલ્પનીય અને અદષ્ય એવા પદાર્થો પણ છે, જે વધારે પડતાં ધુમ્મસમાં ચક્ષુ હોવા માં પણ દષ્ટિપથમાં આવતા નથી, જ્યારે અમુક સ્થાનના આકાશ પ્રદેશોમાં તેવા પ્રકારનો ધુમ્મસ (તમસ્કાય) હોય છે જેનું ઉલ્લંઘન દેવોને પણ ભયાનક લાગે છે. તે સ્થાને વૈજ્ઞાનિકોના વિમાનો હર હાલતમાં પણ જઇ શકે તેમ નથી, માટે જ કેવળી ગમ્ય તેવા પણ પદાર્થો, પર્વતા, નદીઓ, જંગલો, સમુદ્રો ઉપરાન્ત માનવોની તથા પશુઓની જુદી જુદી આકૃતિઓ અને ક્રૂરતાઓ આપણને કે વૈજ્ઞાનિકોને પણ દષ્ટિ ગોચર બનશે જ નહીં. તેવી રીતે આત્માના સર્વપ્રદેશો મિથ્યાત્વ મોહનીયરૂપ ગાઢ અંધકારથી જ્યારે આવૃત્ત થઈ ગયેલ છે, ત્યારે આત્માનું અસ્તિત્વ છે? આત્મા કેવો હશે? તેનું સત્ય સ્વરૂપ કેવું હશે? પુનર્જન્મ હશે? નરકગતિ અને દેવગતિ હશે? તેમાં જાવાવાળા જીવો હશે? જીવને એક ભવનો ત્યાગ કરાવી, બીજો ભવ આપનાર કોણ? ઈત્યાદિ વાતો જાણવાની કે સાંભળવાની ઈચ્છા પણ આત્માને થતી નથી, કદાચ કોઈક સમયે ગુરુગમ દ્વારા આત્માનું અસ્તિત્વ સ્પષ્ટ કે અસ્પષ્ટરૂપે જાણીએ છીએ તો પણ ચારિત્ર
૧૬૪
