Sambodhi 1978 Vol 07

Author(s): Dalsukh Malvania, H C Bhayani, Nagin J Shah
Publisher: L D Indology Ahmedabad

Page 304

३६
महाकविश्रीरामचन्द्रविरचित
मकरन्दः ( साश्चर्यम् )
-
प्राणानपि विमुञ्चन्ति निबद्धप्रीतयः स्त्रियः ।
विद्वांसोsपि जुगुप्सन्ते तास्तथापि कुतूहलम् ||६||
( आत्मवेषमवलोक्य) एवंविधेनापि दिव्याकल्पनेपथ्येन हृदयभेदिना च पटुना च सहस्रेण मल्लिका चित्राङ्गदं न कामयते ।
ताः सन्ति किं न शतशः ? शतशोऽपि पुम्भरभ्यर्थिताः स्मरपदानि न याः स्मरन्ति । ते सन्ति नैव पुनरेणविलोचनानां
नानाsपि ये प्रतिकलं विलयं न यान्ति ॥ ७ ॥
( ऊर्ध्वमवलोक्य) ललाटन्तपनस्तपनो बाधतेऽङ्गानि, मर्मभेदी धर्मः विरहानलश्च । भवतु, क्षणमेकमुद्यान के लिसरः कूलकच्छेषु विहरामि । ( इति परिक्रामति । समन्ततोऽवलोक्य सहर्षम् )
दात्यूह - कुर्कुट - कपिञ्जल - चक्रवाक
सारङ्ग - भृङ्गकलकूजितमञ्जुकुञ्जाः । उद्यानकेलिसरसीतटफुल्लमल्लीवल्लीगृहाङ्गणभुवो रमयन्ति चेतः ॥८॥ ( पुनर्मल्लिकां स्मृत्वा सौत्सुक्यम् ) आस्यं हास्यकरं शशाङ्कयशसां बिम्बाधरः सोदरः पीयूषस्य वचांसि मन्मथमहाराजस्य तेजांसि च । दृष्टिर्विष्टपचन्द्रिका स्तनतटी लक्ष्मीनटीनाट्यभू
रौचित्याचरणं विलासकरणं तस्याः प्रशस्यावधेः ॥९॥ अपि चेदानीं वियोगरोगाभितापविक्लवायाः प्रियायाः वक्त्रं पाणिमिलत्कपोलफलकं नेत्रे च पद्माम्बुजे
गात्रेषु प्रतिकर्म जर्जर [ र ? ]सं वाचः श्लथार्थान्वयाः । तस्याः स्मेरसरोजसुन्दरदृशः शङ्के दिशः सर्वतः खेलन्मच्चरितप्रशस्तिसुभगस्तम्भाङ्कितोरः स्थलाः ॥१०॥ ( पुनः कर्णे दत्त्वा ) कथं पञ्चमोद्गारसारः समापतति गीतामृतासारः ? | अन्योन्यं विषयाणां गुरु-लघुभावो न कोऽपि यदि नाम । अन्येव तदपि रेषा गीतीनां कामिनीनां च ॥११॥
-