Sambodhi 1978 Vol 07

Author(s): Dalsukh Malvania, H C Bhayani, Nagin J Shah
Publisher: L D Indology Ahmedabad

Page 332

६४
महाकविश्रीरामचन्द्रविरचित
गन्धमूषिका - सार्थवाह ! मा भैषीः । अकुतोभयो भूत्वा प्रथय यथावस्थितां कथाम् ।
वैश्रवणः - अहमनेन मकरन्देन पक्षिभावनरकादुद्धत्य बाढमुपकृतः । मत्पीत्या च मनोरम । भगाती प्रसादिता । भगवत्या च विवाहसूत्रणामुपदिश्य स्थापनाव्याजेन मकरन्दोऽयं मह्यमुपनीतः। मया च कादम्बपतिमामपनीय मकरन्दो निवेशितः । अतः परं यदभूत् तद् भवतामपि प्रत्यक्षम् । तदत्र कर्मणि भगवती नापराध्यति, न च मनोरमा, वैश्रवण एव केवलम् ।
चित्राङ्गदः - महापुरुषकृतज्ञचूडामणेर्भवतोऽपि कोऽपराधः ।। गन्धमृषिका - साधु कुमार ! साधु । महतामयमेव वाचां विक्रमः । यथा भावि पुरा वस्तु तथा सर्वस्य वृत्तयः । इत्यवेत्य महात्मानो नापकारिषु रोषिणः ॥१६॥
(पुनश्चन्द्रलेखां प्रति) वात्याभिर्वा प्रजाभिर्वा प्रभाभिर्वा खरत्विषः । भवेद्यथा तथा ग्रीष्मे सरसः शोषितां भ्रमः ॥१७॥
यौवने सर्वत्रापि दुहितरो मातुरनायत्ताः । ततश्चित्राङ्गदे मकरन्दे वा जामातरि कस्ने विशेषः । गुणगोत्राधिक्यभाषणं पुनरनुचितम् ।
पुण्ये गुणश्च गोत्रं च न पुण्यं गुणगोत्रयोः। तद्विचारस्ततः पुंसि पुण्यशालिनि मत्सरः ॥१८॥ मल्लिकासंभोगभाग्यं मकरन्दस्य न चित्राङ्गदस्य । ततः कृतं विषादेन । चन्द्रलेखा - भगवतीसूत्रिते कर्मणि को विपादः। . गन्धमृषिका - (मकरन्दं प्रति) कि ते भूयः प्रियमुपकरोमि ।
मकरन्दः - अतःपरमपि प्रियमस्ति ? । तथापि भगवतीप्रसादानां पर्याप्तकामः।
गन्धमूषिका - (सहर्षम् ) जिनपतिपदप्रसादान्न(न्नु) रामचन्द्रांशुकुन्ददलविशदा-। मामाद्य यशोलक्ष्मी परां स्वतन्त्रां चिरं भूयाः ॥१९॥
(इति निष्क्रान्ताः सर्वे)
॥ पष्ठोऽङ्कः ।। ॥ समाप्तमिदं मल्लिकामकरन्दाविधानं नाम नाटकम् ॥ कृतिरियं श्रीहेमचन्द्राचार्यचरणसुश्रूषाभिरतस्य प्रवन्धशतकर्तुः श्रीरामचन्द्रस्य ।