Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 186

६५] पुत्तकंखिनरसीहनिवकयं चोजडंबराहिहाणजोइंदस्स उत्तरसाहगतं, कुबुद्धिजोइंदपडिबोहो य । १२७ तं तेण दुट्टपासंडिएण काऊण खंडखंडाई । कीरसि भूयाण बली जइ मुंचसि मं न एत्ताहे' ॥४८॥ इयजंपिरेण दंसियविहीसियासयसहस्सरूवेण । अखुहियचित्तो वुत्तो निवो पुणो तुटुढेयरेणं ॥४९॥ “भो ! साहु साहसं ते सारो पडिवन्ननिच्छओ वच्छ !। तुट्ठो भणामि सचं एत्थमहं सत्तवायाओ ॥ ५० ॥ तं सुयकामी, सो दुट्ठसाहगो चप्फलो फुडं बुज्झ । सचमिणं 'वंचिज्जइ लुद्धो अलियप्पलावीहिं' ॥५१॥ दाऊण बलि सो तुह सरीरयं महइ साहिउँ अम्हे । इय इंदियालनारीदसणओ तं सि अक्खित्तो ॥५२॥ 5 ता मा किलिस्स नरवर ! तुज्झ सुओ सत्तरत्तमज्झम्मि । होही अवस्समेव हि निवेइतो सूरसुमिणेण ॥ ५३॥ पडिवनसारयाए मयगमिणं जइ वि नेहि तं तत्थ । तह वि तए मह वयणं कायव्वं सव्वहा एकं ॥ ५४॥ आयरमग्गंतस्स वि नियखग्गं मा हु से समप्पेज्जा । जिप्पिहिसि न तेण तुमं खग्गसणाहो मइ सहाए" ॥५५ इय जपंतं मययं घेत्तूण ससंकमाणसो राया। पत्तो साहगमूलं निच्छियहियओ निययकज्जे ॥ ५६ ॥ न्हवियविलितं मयगं मंडलगे ठाविऊण तेणावि । भणिय 'नियतरवारि अप्पेहि नरिंद ! एयस्स' ॥ ५७ ॥ 10 सुमरियढंढरवयणो राया ढोयइ न तस्स असिलडिं । भणइ 'भगवं ! न सुहडा पहरणमप्पिति अन्नस्स ॥ ५८ ॥ ता ढोएहि तुम चिय अहयं चिय तुज्झ रक्खगो होह' । सो भणइ 'लोहरक्खा नणु एसा मंतसिद्धीए' ॥५९॥ रायाऽऽह 'मइ धरते कुवियकयंतो वि पहवइ न तुम्हं । ता कुणसु कजसिद्धिं तुरियं मम कंधरारूढो' ॥६०॥ सुबहुं पि भन्नमाणो जा अप्पइ नेव पत्थिवो खग्गं । ता रुटो सो दुट्ठो पयपुट्ठो दीहपिट्ठो ब्व ॥ ६१ ॥ 'आयासिऊण सुइरं एत्तियमेत्तं पि कुणसि न हि वयणं' । इय बितो संभंतो समुट्टिओ खग्गवग्गकरो ॥ ६२ ॥ 15 तो भणितो नरवइणा 'वइ त्ति लज्जामि तुज्झ पहरंतो । ऊसरसु दिद्विमग्गा जइ परियाणासि अप्पाणं ॥६३।। धरिऊण धम्मचिंधं बंचंतो धम्मिए धुवं मुद्धे । धुत्तय ! पत्तो सि न कालमेत्तियं कह णु पंचत्तं १ ॥ ६४ ॥ मह जीविएण वेयालसाहणं मूढ ! काउमिच्छंतो । आय-परपुघ्नभयं निल्लक्खण ! किं न लक्खेसि ?' ॥६५॥ __एयमायन्निऊण 'कहमणेण परियाणितो म्हि ?' ति सवियको लिंगी, 'कुकम्मयारी य'त्ति लज्जिओ, 'निष्फलो किलेसो' त्ति विदाणो, 'पुन्नपुरिसो एसो'त्ति गलियपुरिसयारो, 'किमितो पाविस्सं ? ति विसनो चइऊण खग्गलहिं 20 संपत्तपच्छायावो जोई कयंजली रायाणं भणिउमारद्धो 'भो महानरिंदसर ! तुह विमलवयणकिरणेहिं पणट्ठमियार्णि मम मणोमंदिराओ मोहतिमिरं, पयडीभूयं विवेगदुवारं, उवलद्धं वत्थुसरूवं, विडंबिओ म्हि कुमित्तसंसग्गीए कालमेत्तियं, संपयं पुण तुमाओ कल्लाणमित्ताओ परिम्नायसुद्धमग्गो गुरुमूलपडिवनपायच्छित्तो परलोगत्यमुजमिस्सं, किलेसिओ य मए तुमं ति खमियन्वो ममावराहो, तहा गुरुपरंपरागयमत्यि मम पहरणवणसरोहणं मणिरयणं तं ममाणुग्गहेण संगोवेउ भवं ति । राइणा वि 'जुत्तमेयं महाभाग ! तुम्हारिसविवेयिणो, खमियव्वं च ममाविणय- 25 वयणं' ति भणंतेण 'अलंघणीयवयणो गुरुजणो' त्ति पुच्छिऊण पोगविहिं गहियं मणिरयणं ।
एत्यंतरे वोलीणप्पाया विहावरी । तओ सुबहुप्पयारमन्नोनं खामिऊण स-परत्थसिद्धिउद्धवुद्धमायमाणसाँ गया दो वि नियनियट्ठाणेस । विनाओदंता विम्हिया मंतिणो। पवत्तिओ नयरीए अकाले वि महामहो। सत्तरत्तपज्जते रत्तीए पुन्नचंदसुरो तो आरणदेवलोगाओ चविऊण उववन्नो गुणमालादेवीए कुच्छिसि पुत्तभावेण । तयणु तारतेयमंडलं, तिहुयणतिमिरभरुद्दलणपञ्चलं, जिणनाहस्स व पहामंडलं सूरमंडलं उच्छंगगयं सुविणे पासिऊण पडिबुद्धा 30 एसा। [?निवेइयं राइणो।] संजायपिसायवयणपच्चएण राइणा समाइट्टो विसिट्ठपुत्तलाभो। तओ सा नवपाउसपिञ्चसि
१ संकेत:-"ढयरेणं ति पिशाचेन" ॥ २ इंदयाल जे०विना ॥ ३ सुषिणेण जे विना ॥ संकेत:-"ढंढर ति पिशाच एव" ।। ५ तुज्म । खं२ ॥ ६ पयपोहो दीहपेट्ठो ब्व जे० ॥ ७ "प्रमोदपूर्ण" खरटि•॥ .