Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 211

१५२ पुहवीचंदचरिए सत्तमे पउमुत्तर-हरिवेगभवे
[७. २१५सुभोमनगरं, सम्माणघणं च भणिओ 'पडिच्छाहि मम विज्जाओ, पडिवज विज्जाहरसामित्तं' । पउमुत्तरेणावि भणियं 'मम बीयसरीरभूओ तुमं, अओ जस्स पहू तुमं तस्साहं पहू चेव, तहा धम्मबोहिसंपायणेण चेव दिन्नं मम दायन्वं तुमए, किमन्नमिओ वि सुंदरयरं ? ति ।।
तम्हा अविप्पउत्ता पालेमो ताव दो वि रजाई । रजोरुभारधरणम्मि पञ्चला हुंति जा तणया ॥ २१५ ॥ दाऊण तेसि रजं कयरिणमोक्खं तओ अविग्घेण । सामघ्नमसामन्नं सिवसुहरसिया चरिस्सामो' ॥ २१६.॥ हरिवेगो वि वयासी 'एवमिणं नत्थि संसओ कोई । ज मह मणे निविटं तुमए वि तयं फुडं सिढें ॥ २१७ ॥ इय नेहनिम्भरा ते संविग्गा समयखेत्ततित्थयरे । वंदंति पहट्ठमणा नहगमणा रायहंस न ॥ २१८ ॥ सासयजिणभवणेसु विकरिति जत्ताओ अइमहन्ताओ। विम्हयजणणीओ सुरा-ऽसुराण रोमंचचिंचइया ॥२१९॥ पालिंति य दो वि कमागयाइं रजाई जणियचोज्जाई । पल्हायंता पयईकुमुदवणं जमलचंद च ॥ २२०॥ पडणीयवारणाओ पूया-सकार-विणयवित्तीहिं । चेइय-मुणीण परमं पभावणं ते करेसी य ॥ २२१ ॥ उस्सुका करभरवज्जिया कया सावया सवित्तड्ढा । अब्भुद्धरिया इयरे अइरित्तविवित्तधणदाणा ॥ २२२ ॥ सेसाणं पि जणाणं पुरपवत्तो वि करभरो सव्यो । तह तेहिं तणुइओ जह जणाण जाओ महाणंदो ॥२२३॥ उट्ठन्तपडतखलंतसुत्तनीसेसबहुजणसमूहा । धन्नाउसदाणक्खणियजंपणा तत्थ संवुत्ता ॥ २२४ ॥ लग्गा जिणिंदधम्मे पायं बंभणगणा जणवया वि । आसन्नबोहिलामा अन्ने वि अमच्छरा जाया ।। २२५ ॥ इय जणजणियाणंदं धारिता रजभरधुरं धीरा । धवल व ते कयाई गजणयं दो वि संपत्ता ॥ २२६॥ जायं च तयागमणे नयरं कयचडुलधयवडाडोवं । किंकिणिरवकयगीयं पयट्टनटुं व हरिसेणं ।। २२७ ॥ कयहासं व समंता ताडियपडुपडहपयडपाडेहिं । कयजयजयसदं पिव गंभीरमुइंगरसिएहिं ।। २२८ ॥ तोरणनिबद्धसुरतरुवंदणमालाहिं फंगसमिद्धाहिं । आइद्धनीलमणिभूसणं व पहुदंसणसयन्हं ॥ २२९ ।। पहुआगममयमया वियज्झनचंततरुणरमणीहि । अमरावइ व्च रम्मं तं जायं सव्वओ नयरं ॥ २३०॥ पारद्धाओ जुगवं महिमाओ जिणिंदचेझ्यघरेसु । सड्ढेहिं भत्तिभरनिब्भरेहिं हरिसुल्लसंतेहिं ॥ २३१ ॥ कारिति ते वि महिवा कमेण सव्वे सव्वजत्तेण । पूया-सकारं गीय-वाइयं दिव्बनटुं च ।। २३२ ॥ दिनावारियसत्ते जिणनाहमहामहे इय पत्त्ते । जिणधम्मबद्धराओ पायं पयईगणो जाओ ॥ २३३ ॥
अन्नया दो वि पत्थिवा जिणभवणाओ सभवणं वच्चंता पेच्छंति रायमग्गे अभिमुहमागच्छंतं विरलियजडिलसिरोरुहं तंबोलारुणाहरोठं धूलिधूसरियसबसरीरं सेडियाधवलिओभयपाणितलं कच्छोटियामेत्तनिवसणं कुप्पर25 जाणु-कडीयडपयडवियडकिणगणाइवीभच्छं पिट्ठओहुत्तसंजमियवाहुदंडं अक्कोसणपवत्ततहाविहकियेववोद्रहवंद्रमज्झगयं गयं व पडियारेहिं सबओ लेहु-कट्ठाइएहिं हम्मंतं कंचि जूइयरपुरिसं ।
तओ करुणावण्णचित्तेण पउमुत्तरेण 'अरे ! ममावि रज्जे किमेस वराओ अनाहो इव कयत्थिज्जइ ?' त्ति भणंतेणाऽऽणाविओ समासण्णं, पुच्छिया कयत्थगा 'अरे ! को एसो ? किमित्थमेवं तुम्भेहिं कयत्थिज्जइ ?'।
तेहिं भणियं "अलं देवस्स एयतत्तीए, अणरिहो खु एसो देवकरुणापसायस्स, अगोयरो आवइपडियारस्स, आय30 वेरिओ अदट्ठन्यो विसिवाणं । जओ एत्थेव नयरे नवकोडीसरवरुणसेटिनंदणो एस निवारिजमाणो वि जणएण,
१ संकेत:-चिंचइय ति मण्डिताः" ॥ २ संकेत:-"धन्नाउसदाणं ति आशीर्वाददानम्" ॥ ३ घणसिणिद्धाहि सं१ खं२ ॥ ४ "हर्ष" खंरटि. ॥५ "परवस" खंटि० ॥ ६ अमराउरि व्व जे० ॥ ७ "राजानः" खंरटि. ॥८°सु चेव जत्तण खं१ खं२ ।। ९ संकेतः-"कियववोद्रहवंद्र त्ति कितवतरुणसमूहः” ॥ १० हरे ! जे०विना ॥