Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 240

१५३]
पुरिसोत्तमरायपुरोहियस्स कविंजलस्स पुत्वभवकहा ।
१८१ वसिओ सि, ता कल्लाणभाईणमेव एवंविहमणोरहो वि संभवइ, ता पुज्जंतु ते मणोरहा देव-गुरुपायाणुभावेण, सहाओ एत्याहं पि देवस्स, समागओ य हिज्जो इह नयरे उवसमसिरिकुलहरं हरहास-कासकुसुमसमुज्जलजसपसरो सरणागयजंतुवच्छलो छलमच्छरुच्छेयदच्छातुच्छवयणवित्थरकुसलो सलक्वणपाणि-पायतलो धम्मो व्व मुत्तिमंतो जयकंतो नाम मुणिवई, तयन्तिए साहेमो समीहियं 'ति । तयणु पहढमुहपंकओ 'तह 'त्ति पडिवज्जिऊण गओ गुरुवंदणवडियाए राया। सोऊण य असारयंजीवलोयस्स, अणिचयं जीविय-जोव्वण-धणाणं, अपरमत्थपेच्छित्तं पेमपरिणामस्स, उवादेययं च मुणिधम्मस्स, संवेगभावियमई वीरसेणकुमारारोवियरज्जभारो सद्धिं जिणप्पिएण मंति-सामन्तसेटि-सत्यवाहाईहिं पियपणइणीहि य पवनो विहिणा पन्चज्जं ति। अहिजिओ एगारसंगाई। 'विणीयविणओ'त्ति निउत्तो गुरूहि वेयावचे अज्जिणिऊण य महंतं पुनसंभारं, छठ्ठ-भट्ठमाइविगिट्टतवोणुट्ठाणनिद्ववियाणि? कम्मंसो जाओ महासुक्के मुरिंदो । जिणप्पिओ वि पत्तो तस्सेव सामाणियत्तं ।
सो वि वराओ मोहणो पडिनिवेसाओ विप्पडिवनो जईण जाओ छिद्दनेसी निरुवेइ पमायखलियाई, दट्टण 10 य सेह-मंदधम्माईणं करेइ गुरुगणावनवाय, विपरिणामेइ उजुधम्मिए, विसेसओ दाणसद्धिए । एवमसन्भूयभावणाहिं भाविऊण परमप्पाणं च अणालोइयपडिकतो तहाविहायंकसंपकपयट्टमहट्टज्झवसाणो कालं काऊण समुप्पनो विंझारने मायंगो, गहिओ वारिबंधप्पओगओ वणयरेडिं, उवणीओ हेडावणियस्स, तेणावि महुराहिवस्स, तेणावि 'सरो'त्ति निउत्तो संगामेसु, निसग्गेण पडणीओ जइजणस्स । ___अन्नया पच्चासनउज्जाणे सोऊण सज्झायंते साहुणो भग्गालाणखंभो पहाविओ तयभिमुहं, 'कोहंधो 'त्ति 15 पंडिओ अंतरखड्डाए, भग्गो अंगभारेण, वियारियं मोत्तियत्थीहिं कुंभयलं । तओ अमुहलेसापरिणओ मओ गओ रयणप्पहं । सहिऊण तत्थ दारुणवियणाओ तो उन्चट्टो जाओ सेणपक्खी । तओ वि भरियपावभरो गओ वालगप्पहं । तत्तो वि उबट्टो सीहभावमणुभविऊण कूरकम्मोवज्जियनरयाऊ पाविओ पंकप्पहं । तहिं चाणुभविऊण वयणगोयरावकंताओ दुरंताओ वेयणाओ समुप्पनो सिरिघणनयरे कामदत्तवाणियगस्स वसुयत्ताए कंताए पुत्तभावेण, कयसुमित्तनामधेओ पवड्ढिउं पवत्तो ।
इओ य जिणप्पियसुरो सुराउयमइवाहिऊण पुन्नसेसेणोववन्नो तम्मि चेव नयरे विणयंधरधणड्ढनेगमस्स सुरमुंदरिसमहेलाए महेलाए सयलगुणवईए गुणवईए नीसेसलक्खणसंगओ अंगओ। सो वि निबत्तियगुणधरनामो संपत्तसयलकामो सुहि-सयणजणमणाभिरामो असंपत्तमणसंतावं पाविओ तरुणभावं । पुलभासेण य पीई तस्स सुमित्तम्मि सम्भावेण, इयरस्सावि कइयवेण । अभिरमंति य दो वि एगत्थ, 'अप्पधणो 'त्ति लज्जइ नियतुच्छनेवस्थेण सुमित्तो, तहा वि गुणधरो सविसेसं तमणुवत्तइ । अन्नया सकम्मवसएसु पंचत्तं गएसु जणणि-जणएसु लद्धाव- 25 सरेणेव अभिभूओ सो दालिद्दसत्तुणा, परिभूओ सयणेहिं, जाओ अवमाणभायणं सहवासिलोयाणं । अवि यचिंतानडिओ अवमाणपीडिओ गलियबुद्धिचेयनो । दालिद्दग्गिपलित्तो जीवंतमओ मओ पुरिसो ॥ १५० ॥ वजन्तो अनकहं अनकहं चेव कुणइ एगग्गो । चिट्ठइ निचाउलओ निच्चाऽऽउलओ विहवहीणो ॥ १५१ ॥ छंदमणुयत्तमाणो पियं भणतो वि विणयनिउणो वि। रामेइ मणो धणइत्तयस्स न कयाइ धणहीणो ॥ १५२॥ लज्जइ छणम्मि, न मिलइ महायणे अंगभोगनिरवेक्खो। 'सिरिहितो पुन्यमयाण निधणो दुकरं जियइ ॥१५३॥ 30
१ णमेवं विह जे०विना ॥ २ पवडिउं अंजे विना ॥ ३ संपन्नस जे.विना ॥ ४संकेत:-" वर्जयनन्यां कथा भवकथामेव" ॥ ५ संकेत:-“निचाउलओ [निचाऽऽउलओ] ति चाउलाः-तन्दुलास्तद्रहितः नित्यमाकुलश्च" ॥ ६ सिरि हुँतो खं१ । सिरिहंतो खं२ भ्रा.॥
20