Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 242

१६८] पुरिसोत्तमरायपुरोहियस्स कविंजलस्स पुव्वभवकहा ।
१८३ ___इओ य सो गुणधरो तहाविस्सत्थपमुत्तो दिवसंते दिट्ठो तयासन्नपल्लिनाहेण मिगयागरण सेहरेण, चेयाविऊण पुच्छिओ पउत्तिं । तेणावि साहिऊण जइट्ठियं 'कहिं पुण सुमित्तो ? त्ति सवियक्केण सदुक्खं भणियं 'अवि दिट्ठो तुब्भेहिं इह पएसे मम वीयसरीरभूओ सहायपुरिसो ? । पल्लिबइणा वि ‘ण दिट्ठो, तहा वि मम भिच्चा लहुं लहिस्संति तप्पउत्तिं सत्थवुत्तत्तं च, एह ताव पल्लिं' ति भणंतेण सगोरवं नीओ नियपल्लिं । कयं न्हाण-भोयणाइवच्छल्लं, विसिगोट्ठीए वोलिया रयणी । ताव य निवेइयं पल्लिवइणो निउत्तपुरिसेहिं जहा 'तकालमेव तुरन्तो 5 पउत्थो सो सत्थो, न य निरूविओ को वि कहंचि अउन्नपुरिसो' ति । तओ 'किमेयमसंभावणिज्जं ?' ति अणप्पवियप्पाउलमणो भणिओ गुणधरो सबरेसरेण 'अज्ज ! मा विसायं गच्छ, जो सत्तसारा तुम्हारिसा न सिरीए मुच्चंति । पढियं च
वसणागमि न विसाउ मणि, विहवि न थड्ढिम जाई । कुढि लग्गी संपय सरइ, साहसरसियहँ ताहं ॥१६२॥ अमं च-वीरपुरपत्थिओ तुम, सत्थो य तत्थ गिरिपरिरएण चिरेण पहुप्पिही, भवंतं पुण पयमग्गेणाणागयमेव 10 तत्थ पहुत्तं करीहामि।।
भणियं गुणधरेण वि 'निकारणवच्छले सुबंधुम्मि । तइ सन्निहिए सज्जण ! को अवगासो विसायस्स ? ॥१६३॥ अवि य
संसारविसमविसपायवस्स अमयप्फलाई एयाइं । अंगुट्टियगेयं सुयणसंगमो अवसरे पढिय' ।। १६४ ॥ पल्लिवइणा पवुत्तं 'सुंदर ! वणसावयाणमम्हाणं । सारा-ऽसारावेईण केरिसं नाम सुयणतं?' ।। १६५॥ 15 गुणधरेण भन्ना
'विसहरसिरे वि वुत्थं विसहरणं किं न होइ मणिरयणं ? । अंगुट्ठियगुणनिहिणों ठाणं सुयणस्स किं हरइ? ॥१६६॥ __ इय सुयणसमुचियालावसंकहापम्हुसियमणपीडं धरिऊण केइ दियहे विओयभीरुणा विसजिओ पल्लिवइणा समप्पिऊण सयसहस्सवेहिरसपडहच्छं तुंवयं, भणिओ य 'अज्ज ! अत्थलालसो तुमं ता गिन्हाहि एवं दिट्टपञ्चयं महारसं । अवि य
20 तउ-तार-तम्ब-कालायसाण छिक्काणमेयले सेण । जायइ कंचणभावो सहस ति किलेसविरहेण ॥ १६७ ।। जइ कह वि दिव्वजोगा न मिलइ सत्यो तहा वि सुविसत्थो । एएण धणसमिद्धिं सुहेण संपाउणेज्जासि ॥१६८॥
एवं भणिऊण पच्चइयसहाएहिं पेसितो वीरपुरं गुणधरो । सो वि सबराहिवसोजनावज्जियमणो पत्तो तत्य, ठिओ विट्ठदेवजुम्नवाणियगमंदिरे पइदिणं सत्थमग्गावलोयणवावडो चिट्ठइ ।
अभया सुमित्तो वि छुहा-परिस्समाइसुसियमलीमससरीरो दुइंसणीयसेहरत्तमणुहवंतो समागओ गुणधरासने, 25 न य पञ्चभिन्नाओ गुणधरेण । सो वि 'न एयं विणा भोयणसंपत्ती वि'त्ति पायडियकवडनेहो तं कंठे घेत्तण परुनो । सद्देण परिभाय समासासिओ गुणधरेण, पुच्छिओ वुत्तंतं । तेणावि परिकप्पिऊण निवेइयं घग्घरसरेण "तया तुइ निदासुहमणुहवंतस्स सहस त्ति पुक्करियं सत्थिएहिं, तओ निदामुहविधायभयाओ भवंतमबोहिऊण पहा. विओ म्हि तोहुत्तं, ठूण सबरघाडीए लूडिजंतीओ सत्थविलयाओ भंडवक्खरं च पजुज्झिओ म्हि सकुलपुत्तो सबरेहिं सद्धिं, देव्यवसएण पाडिऊण कुलपुत्तए बद्धो हं तेहि, नीओ नियपल्लिं । विभाइयाइं कयाणगाई, समीहि- 30 याइरित्तवित्तसंपत्तीए पारद्धो अकालच्छणो । तओ तेसिं पमत्ताणं पडिया वइरिधाडी, पवत्तमाओहणं, पलाणो पल्लिजणो, अहं पि लद्धावसरो पलाइऊण समागओ पडिपहेण, भमिओ भवन्तमग्निसंतो सयलमरकं, न य कत्थइ
१ च जुज्मियो जे विना ॥