Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 266

११. १-२७] कुसुमाउहदेवजीवस्स पउमावइगभऽवयरणं ।
२०७ सुयक्खमुत्ता, हरा इव संगहियमहागरा, सुरिंदा इव मुरसेणाणुगया, नरिंदा इव सुवेसवारा, पायालवासिणो न नागरायसारा, बहुहिण्डियमणुस्स व मुदिट्ठनाणावट्टा बहुपयारा महाहट्टा । किं बहुणा ?- .
रक्खसहिया सुरावणसारा लंकाउरि व्व सा तेण । रामाणुगयाण दहं नवा नराणं रई तत्थ ।। १२ ।। . सुरघरडझंतागुरुगुरुधृमसिहाकयंबुहरसंका । निचं पि घरमऊरा कुणंति केयारवं तत्थ ।। १३॥ सुविसट्टनट्टपेच्छयपडहच्छे रुंदहट्टचउहट्टे । न लहइ सया वि मग्गं तत्थ जणो कज्जतुरिओ वि ॥ १४ ॥
तीए य सोहग्गाइसयतुलियदामोयरो पणइपणइणीविंदाऽमंदामोयरो पञ्चूहबूहोवगीयमाणपरऽक्कमो अलंघियकुलागयनीइपरक्कमो नीइचारेकमण्डणो निवारियदुनयपयारभंडणो अकयादोसयारिडण्डणो अणिहसिढदिहविसिहमग्गखण्डणो पैरसंपयानिरीहो अबहुमन्नियदोजीहो कलाकोसल्लोवलद्धपढमलीहो हरिसीहो नाम राया । अवि यजणो जणस्स, धणओ धणत्थिणं, कुचरियाण कीणासो । मारो दइयाण, मुसेवयाण चिन्तामणी एसो ॥१५॥ सरणागयाण बसणे, सयणे दझ्याण, संगरेऽरीणं । दाणचसणी व वणं पुर्हि न कयाइ सो देइ ॥ १६॥ 10 चित्तं जं तस्स जसो ससंक कुंदुज्जलं पि अणवरयं । गायंतीण वि कसिणं करेइ वयणं रिउवहूणं ॥ १७ ॥ अनं पि महाचित्तं उत्तमराओ वि जं इमो निचं । दरियमेराए मेइणीए उन्बहइ नाहत्तं ॥ १८॥ तस्स य सुवित्तमोत्तियगुणासया विहियहिययमुहसोहा । मुविसुद्धसमायारा मणोहरा हारलइय च ॥ १९॥ अन्तेउरप्पहाणा देवी देवि च सइ मुहाहारा । नयणविलासोहामियपउमा पउमावई नाम ।। २०॥ पवरोरुतोरणोवरिसुपइट्ठियसिहिणमंगलियकुंभा । विहिणा विणिम्मिया सा रईए संवासवसहि च ॥ २१ ॥ 15 वारियपरप्पवेसं पुहई पिव तं प जमाणस्स । वोलेइ मुहमणेहा हरिणो जह तियसवासम्मि ॥ २२ ॥
अन्नया तीए कुसुमदंतपंतीए ललामलीलावईए पउमावईए मुणालवेल्लहलबाहियाए पुत्तजम्मणुम्माहियाए मयरद्धओ व्च लच्छीए अवयरिओ कुच्छीए कंद-चंदजलमहायसो कुसुमाउहतियसो। तो सा नवणीय-सिरीसपसूणसोमाले मुरतरंगिणीपुलिणविसाले पवरपुनोदयभयणिज्जे सुहसयणिजे वाय-पित्ताइवियारविप्पउत्ता सुहपसुत्ता रयणीए पच्छिमे जामे पाहाउयतूररवाभिरामे तिरोभवंततारयजाले पहायकाले विरायन्तथंभसयं सबरयणमयं पत्र- 20 शुद्धयधयवडवमालं टंकारभरियभुवणोयरघंटियाजालं लंविरमणहरमणि-मोत्तिओऊलं विविहविच्छित्तिविरइयसुरदुग्लं महप्पमाणं सुरविमाणं वयणे पविसमाणं पलोइऊण संपत्तपडिबोहा पमोयरसुल्लसियधाराहयकयंबसंवाइसरीरसोहा गंतूण सविणयं तं महासुमिणयं राइणो निवेयाइया।
तेणावि समाइट 'देवि ! तुमं सयलपस्थिववरिढं । पसविहिसि महातणयं समग्गजणनेव्वुईजणयं' ॥ २३ ॥ बहुमयनिववयणाए कलहंसबहूसमाणवयणाए । गम्भमणुवालिरीए वड्डंतीए तणुसिरीए ॥ २४ ॥ 25 पियमहुरालावाए अरोसणाए सुसीलभावाए । पंचममासे सद्धा जाया सद्धम्मपडिबद्धा ।। २५ ॥ 'पूएमि देवयाओ, करभररहियां करेमि य पयाओ । कयमुणिजणसम्माणं देमि जियाणं अभयदाणं' ॥ २६ ॥ संपूरिया य एसा नरवइणा पमुइएण सविसेसा । जाया जणस्स तुट्ठी, गब्भस्स य उत्तमा पुट्ठी ॥२७॥
१ सङ्केत:-"रक्षसानां हिता, रक्षया सहिता च । सुरावणेन, सुरापणैश्च-देवहट्टः कुत्रिकापणैः, सारा । रामचन्द्रानुगतानां वानराणां न-नैव रतिस्तत्र, रामाभिश्च-स्त्रीभिरनुगतानां नराणां नवा-प्रत्यग्रा रतिस्तत्र" ॥ २ हरसंकं । जे० ॥ ३ संकेत:-"अमन्दम् आमोद-प्रमोद रा[ ती ]ति अमन्दामोदरः । प्रत्यूहव्यूहेषु कर्तव्येषु पररुपगीयमान आक्रमः-आक्रमणं यस्य, परशन्दश्च(स्य) चाग्रे पातः प्राकृतत्वात् , पदा परश्वासावाक्रमच" ॥ ४ परप्पसायानि जे० विना ॥ ५सङ्केत:-"उत्तमे रागो यस्य, उत्तमश्चासौ राजा च । मुक्कमर्यादाया मेदिन्या मे(?एव खियः यः(१), दूरे मर्यादा यस्यास्तस्या पृथिव्याः" ॥ ६ पच्छिमजामे जे विना ॥ ७ सुविणयं जे विना ॥