Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 278

२३६ ]
गुणसार पुहवीचंदाणं केवलणाणुप्पत्ती ।
२१९
हा ! कह जाणतो चिय पडिओ हं रज्जकूडजंतम्मि | गुरुजणदक्खिन्नवसा वसारसा मत्तदंति व १ ॥२१८॥ होही सुवासरो सो कइया हं जम्मि धम्मियजणम्मि । अग्गमणीण मुणीणं मज्झे गणणं लहिस्सामि ? ॥ २१९ ॥ कइया गुरुपयपणओ नाण-चरित्ताण भायणं होहं ? । कइया उवसमलच्छी वच्छे रमिही मम जहिच्छं १ ॥ २२० ॥ समसत्तु - मित्तचित्तो सुसाण- सुम्नहर - सेलसिहरेमु । उस्सग्गे ठाइस्सं कइया सज्झाणथिरभावो ?' || २२१ ॥ इय उल्लसन्तसंवेगगुरुरसोऽपुव्त्रकरणलाभेण । सित्रपयगमनिस्सेणिं व खवगसेर्णि समारूढो ॥ २२२ ॥ सियझाणघणेण खणेण तेण घणघाइकम्मसंघायं । संचुनिऊण संपत्तमुत्तमं केवलम्भाणं ॥ २२३ ॥ पत्तो य तयणु सोहम्मसुरवई सुरवरेहि सह सहसा । गज्जन्तगहिरगुरुतूरघोससद्दालसुरमग्गो ॥ २२४ ॥ पवित्रलिंगस्स तक्खणा पुहइचंदकेवलिणो । जयजयरवमुहलसुराहिवेण विहिया तओ महिमा || २२५ || कण कमलोयरंके ठविऊण महामुर्णि मुणियतत्तो । हरिसियमणो सुरिंदो साणंदो थोउमारो || २२६ ॥ 'जय रायलच्छिसंगमनिरीह !, मयरद्धयमत्तगई दसीह ! |
जय भावियभाव ! विहूयदोस !, तणतुल्लगणियधण-कणयकोस ! ॥ २२७ ॥ गेहे वि वसंतह तुह न लित्तु, विसयामुइपंकिण धीर ! चित्तु । उम्मूलियमोह महल्लुसाल ! परं पाविय केवलसिरि विसाल' ।। २२८ ॥
इय थोऊण सुरिंदो पुणो पुणो भालंफुसियरिसिचलणो। उवविट्ठो मुणिपुरओ सिरम्मि करसंपुढं काउं ॥ २२९ ॥ हरिसी वि धरेसो सहिओ पउमावईए देवीए । संपत्तो जंपतो 'अहो ! किमेयं किमेयं ?' ति ॥ २३० ॥ केवललच्छिणाहं नाऊण य नंदणं गहियदिक्खं । इंसियहरिस विसायं कयप्पणामं पत्ता || २३१ || --'जुत्तं कुलक्कमागयजिणिदधम्माण पुत्तयऽम्हाणं । सामन्नभरुव्वहणं चिरभुत्तनरिंदरिद्धीणं ॥ २३२ ॥ तुह विरहभीरुएहिं न कयं तं बाढमूढचित्तेहिं । तुमए पुण लीलाए कह पुत्तय ! साहिओ अप्पा १ ॥ २३३ ॥ मरहमोहिएहि जं रज्जपंजरे छूढो । तं पुत्त ! मरिसियन्वं मिच्छा मिह दुक्कडं तस्स' ॥ २३४ ॥
एत्थंतरे विनायकेवलुप्पत्तिवत्तंताओ आणंदबाहम्बुपप्पुयनेत्ताओ रोमंचंचियचारुगत्ताओ संपत्ताओ ललिय- 20 सुंदरि-कणगवइपमुहाओ सोलस वि देवीओ, पणमिऊण य मुर्णि ठियाओ पउमावइदेविपि । संवेगाइ रेगओ समुप्पन्नमेयासिं केवलं, कओ सव्वाहिं दव्वलिंगपरिग्गहो, पणमियाओ पसंसियाओ य देवरायाईहिं । 'एयं तं गुणसायरकेवलिवज्जरियमच्चन्भुयं' ति भावियं सुधणसत्थवाहेण ।
एत्थंतरे पारद्धा पुहइचंदकेवलिणा धम्मदेसणा-भो भो महासत्ता ! मा चिद्वह विसयपसत्ता, दूरियदुरियारिसंगम करेह सुद्धसंजमं, जओ जम्म- जराइनीराहारो रोग-सोगाइदुक्खलक्खोहारो दुव्वारविसोत्तियावीइसंचारो 25 कुगइवेत्तलयागुम्मरुद्धप्पयारो कसायागाहपायालो कुमयदुव्ययाभिहयभमिरभूरिजलजंतु जालो गंभीरमोहमहावत्तो महात्रयासयसहस्सोसत्तो अणोरपारो एस संसारपारावारो, न खलु सम्मदंसणसुबंधं संवरनिरुद्धरंधं सम्भाणकन्नधारं चारित्तजाणवत्तमंतरेण तरिउं पारीयइ, न य एवं मणुयत्त-खेत्ताइसमग्गसामग्गीविरहे पाविज्जर, दुल्लहा य एसा वैणि विणिओइयरयणसं पिंडणनाएण । तहाहि —
[ १३. वणिसुयविणिओइयमहग्घरयणसंपिंडणादिहंतो ] अत्थि समुन्नयसाला पुरुपुप्फ-फलोहभारनयसाला । भमिरवरनाभिरामा मंजीरयरवसमभिरामा || २३५ ॥ यह तामलित्ती या तत्थाऽऽसि मलियवलिकित्ती । सिट्ठाद्विपवित्ती सुनओ नामेण सिरिकित्ती ॥ २३६ ॥ १ अन्नन्न जे० विना ॥ २ सङ्केत - ओहार त्ति मत्स्याः " ॥ ३ वणिक्तविनियोजितरत्नस पिण्डनज्ञातेनेत्यर्थः ॥
For Private Personal Use Only
5
10
15
30