Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 272

१२२] निविण्णमणस्सावि पुहवीचंदस्स रजाभिसेओ ।
२१३ सामस्थिऊण एवं गोसे पयपणमणत्थमणुपत्तो । दिनासणोवविट्ठो भणिओ कुमरो दुवेहि पि ॥ १०॥ 'धन्नो सि वच्छ ! कयमुकयसंचओ, वल्लहो सि जणयाणं । उम्बरपसूणदुलहो जीवियसबस्सभूओ सि ॥१०१॥ तं जाव नियच्छामो वच्छं नयणेहि मुकयनेवच्छं । जोयणसिरिरुइरंगं मन्नेमो निधुई ताव ॥ १०२ ॥ जइ पुण रायसिरीए पसाहियं पणयमंति-सामंतं । सेणाणुगयं वच्छं नियच्छिमोऽतुच्छविच्छड्डे ।। १०३ ॥ वियरंतं नयरे रुद्धरायमग्गेण तरुणिवग्गेण । दिजंतमहासीसं होमो ता खलु कयत्याइं ॥ १०४॥ जरजजरियतणूणं जीवन्ताणं पि कित्तियं कालं । रज्जपडिवजणाओ जणेहि णे निव्वुइं जाय ! ॥१०५॥ इय नेहघणं भणिओ दक्खिन्नमहोयही पुहइचंदो । पडिकूलिउमसमत्थो वेयणं जणयाण विणयाओ ॥ १०६॥ चिंतइ 'अहो ! विरुद्धं रजारुहणं तवुज्जयमईणं । सायरगमणमणाणं हिमवंताभिमुहकमणं व ॥ १०७ ॥ निबंधो य गुरूणं लक्विज्जइ गुरुतमो इहत्थम्मि । दुप्पडियारा य इमे न लंघियव्या सयन्नेहि ॥ १०८॥ संभाविज्जइ पच्छा वि पत्थणा एरिसी खलु इमेसि । धम्मायरियागमणं मए वि नियमेण सहियव् ॥ १०९॥ 10 तम्हा करेमि वयणं संपइ एयाण नेहनडियाणं । तत्तो वि जहाजुत्तं पत्तावसरो करिस्सामि' ।। ११० ॥
एवमवहारिऊण भणियं कुमारेण 'पहवंति अम्म-तायाणि नियमणोरहाणुगएसु नामुकसिएसु निओइउं नियतणयं, न करेमि य गुरुआणाखण्डणमहं, किंतु ताओ चेव रजभारसमुद्धरणधुरंधरत्तं धरमाणो धवलो.ब छज्जइ, न उण मारिसो कावुरिसकसरो, अहवा तुम्भे चेव पमाणं, आणवेह जहाजुत्तं पुत्तकिंकर ति । तो 'अहो! जणयवच्छलो विणीयविणओ य मे नंदणो' त्ति भणन्तेण अग्याइऊण मत्थए गणयनिरूविए पसत्थमुहुत्तेऽभिसित्तो 15 सुबड्डविच्छड्डेण रज्जे पुहइचंदो, पणमिओ सयं, तयणु सामंताईहिं । 'जयइ महाराओ' त्ति पवत्तो बंदिविंदबहलमलहरो, पवज्जियाई मंगलतूराई, पणच्चिओ वारविलासिणीसंदोहो, उवणयाइं गय-तुरय-रह-पहरण-रयणा-ऽलंकाराइपाहुडाई, जाओ नयरीए महामहो ।
दहण पुहइचंदं दिप्पंतं तहनरिंदरिद्धीए । कयकिच्चो इव जाओ मुइओ राया सदेवीओ ॥ १११ ॥ नवनरवई वि तीए रायसिरीए न रंजिओ कि पि । कुणइ तहा वि पवित्तिं उचियं जणयाणुरोहेण ।। ११२ ।। 20 कयमुस्सुकं रज्ज, सव्वाओ मोइयाओ गुत्तीओ। घुट्टो य अमाघाओ नियरज्जे तेण धीरेण ॥ ११३॥ उवसामिओ य पायं तेण जणो धम्मकहणनिउणेण । आहाणं सचवियं 'जह राया तह पया होई ॥ ११४ ॥ ज्जियविसयासाओ विसयासाओ सुधम्मनिरयाओ। निरयाओ जायाओ जायाआ ताओ भीयाओ॥ ११५॥ सुद्धमणो अणवरयं वरयं जिणसासणं पहावितो । भावितो संसारं सारं पालेइ सो रज्जं ॥ ११६ ॥
अह सो अत्थाणत्यो अाणत्यो कयाइ नरसीहो। भणिओ पणामपुव्वं दुवारपालेण सहस त्ति ॥११७।। 25 'देव ! तुह दंसणत्थी देसंतरवाणिओ सुधणनामो । पाहुडविहत्थहत्थो चिट्ठइ पडिहारभूमीए' ॥ ११८ ॥ 'पेसेहि' त्ति निउत्ते नरवइणा पडिगो पडीहारो । पप्फुल्लप्पलवयणो सुधणो वि समागओ तुरियं ॥ ११९ ।। पहुपयमूले निहिऊण पाहुडं विणयविहियमुपणामो । कयसम्माणो रना वुत्तो 'विन्नत्तियं कुणसु' ॥ १२० ॥ तेण भणियं 'महापहु ! दिन्भुयभूयपुरिससच्चरियं । विम्हयरसपडइत्थं फुट्टइ पोर्ट बला मज्झ ॥ १२१ ॥ तेण न तरामि सुबहं पयंपिउं तह वि साहिमो तत्तं । देव ! तुह दंसणत्थी पत्तो म्हि, न अस्थि विन्नत्ती' ॥१२२॥ 30
१वयणं सोऊण विण जे. ॥ २ सङ्केत:-"नामुक्कसियाई कार्याणि" || ३ संकेत:-"मलहरो ति कोलाहल:" ॥ ४ सङ्केत:-“वर्जितविषयाशाः विशदाऽऽस्याः” ॥ ५ कुणमाणो अणवरयं जे. ॥ ६ संकेत:-“अत्थाणत्थो त्ति अर्थिभवनेषु न विद्यते आस्था यस्य सोऽर्था र्थ्य)नास्थः” । “अस्तानर्थः" खंटि० ॥