Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 248

[ दसमो कुसुमाउह-कुसुमकेउभवो]
जयह जिणपायपउमं विमलंगुलिपंतिपत्तरेहिल्लं । जम्मि निलीणा पाविति निव्वुइं भन्नभमरोहा ॥१॥ अह अत्थि सुत्थदोणयतरुणंगणगेयखित्तचित्तेहिं । मयजूहेहिं समंता पए पए मण्डिउद्देसो ॥ २ ॥ देसो देसंतरगिज्जमाणगयमाणगुणगणो विउलो । अंगा नामेण अचोर-मारि-परचक्कभयसंगो ॥३॥
गामा नगरागारा, नगरागाराणि गामरुंदाणि । नगराणि हरंति सिरिं अमरावइ-जक्खनयरीणं ॥ ४ ॥ ठाणे ठाणे वियरिज्जमाणदाणेहिं तह निवाणेहिं । पाहेय-नीरभाराविउणो पहिया सुहीयंति ॥५॥ पत्तलक्षणेसु जत्थ य समियसमा गीयगाणवक्खेवा । न येणंती पयाणखणं पंथियसत्था सुवीसत्था ॥ ६॥ तुंगगिरिकूडमउडो सरकुंडलमण्डिओ नईहारो । हरइ हिययं जणाणं महानरिंदो व्य सो देसो ॥ ७॥ 10 तत्य य सप्पायारा संपुभायारसालिलोया वि । गर्यसंगया वि नीरोग-सोगनागरकयाणंदा ॥८॥ असमा वि सिरिसमिद्धा अहंगसाला वि सर्वनिवसिद्धा । जणमणपियाणुकंपा अस्थि पुरी पायडा चंपा ॥९॥ सिंगारकुलागारं पसज्झमज्झावओ सुभणियाणं । सोहग्गामयजलही पायं महिलाजणो जत्य ॥१०॥ अकलंककलाकलिओ चाई पडिवमसुंदरो सरलो। जत्थ य दक्खिन्ननिही कयपुरिसोहो सुपुरिसोहो ॥११॥ जत्य य वावीहि मही, वावीओ जलेण, तं पि कमलेहिं । भमरेहिं पंकयाई, भमरा विरुएण सुहयंति ॥ १२ ॥ 15
छज्जइ विहवेण जणो, विहवो चारण, सो सुवायाए । वाया सचेण, तयं दयाए, सा वि हु विवेगेण ॥१३॥ 'सोहेहिं सहति घरा, सोहाणि सहति चारुतरुणीहि । तरुणीओ सुवेसेहि, ते वि विरायंति सीलेण ॥ १४ ॥ किं वभिज्जउ तीए नयरीए जीए सन्चभवणाई । सुरभवणाई व सया निरंतराई मुपवेहि ? ॥१५॥ तत्य देलियारविंदो रो ब्व पयावसोहिओ सुहओ । नवर वियासियकुमओ अज्जियविजओ जओ राया ॥१६॥ 20 वनंति जस्स विउसा विउसत्तं, मग्गणा सया चायं । सरत्तं सत्तुभडा सहासु, नारीओ सोहगं ॥ १७ ॥ जैसं पमुइया तस्स सारं गायंति किन्नरा । जं सुणंता न उम्मत्ता सारंगायन्ति किं नरा ? ॥ १८॥ मज्जायवित्तिं सुगभीरिमं च, अणमतुल्लं कलइ त्ति काउं। अहिडिओ सायरसंकियाए, लच्छीए एसो सयमेव नूणं ॥१९॥ तस्स य मयंकवयणा कुवलयनयणा सियंगसमवयणा । कुंदकलियालिरयणा पियवयणा पियमई देवी ॥२०॥
१ निव्वुई जे विना ॥ २ “कुटुम्बी" खं१टि• खंटि• ॥ ३ सङ्केत:-"नागरा नागराण(नगरागारा, नगरागाराणि) त्ति [नगराकाराः], नगरस्य अगाराणि-गृहाणि" ॥ ४ जानन्तीत्यर्थः ॥ ५ संकेत:-" स्वल्पाकारा सप्राकारा च"। 'स्वल्पाकारा स्वस्पाचारा वा, विरोधपरिहारे तु-सप्राकारा सम्पूर्णाकारशालिलोका सम्पूर्णाचारशालिलोका च' इत्यर्थः ॥ ६ सङ्केत:- गजैगदेव साता" ॥ ७ सङ्केत:-" सह मया-लक्ष्म्या वर्तते या सा समा, न समा असमा; अनन्यसदृशी च" ॥ ८ संकेत:-" सर्वनृपाणां सिद्धा-वशंगता, प्रसिद्धा [च]" ॥ ९ सङ्केतः-“सोहोहों(हेहिं) ति सौधैः-धवलगृहः" ॥ १० संकेत:-"दलितानि-विकाशितान्यरविन्दानि येन, दलितानि च-विदारितानि [आराणि-] अरिसत्कानि वृन्दानि येन । सुहयः-सुतुरगः, सुखदश्च । कुमुदानि-कैरवाणि, कौ च-पृथिव्यां मुत्-हर्षः" ॥ ११ सङ्केत:-"प्रमुदिताः सन्तः किचरास्तस्य राज्ञो यशः सारभूतं गायन्ति, यद्यशः शृण्वन्तः सन्तो नरा उन्मत्ताः किं न सारङ्गायन्ते !-मृगा इवाचरन्ति !" ॥