Puhaichandchariyam

Author(s): Shantisuri, Ramnikvijay Gani
Publisher: Prakrit Text Society Ahmedabad

Page 200

४९] हरिवेगस्स जम्मो जोव्वणं, महुरं पस्थियस्स पउमुत्तरस्स महोदयाऽऽसमपवेसो य। १४१ पडिसमुहलियदिसियकं दिसियकपरिसक्किरोरुरेणुपडलपच्छाइयनहंगणं ति । एवं च वियडकडयाडंवरायंपियपणयपहपुहइपहुप्पाइयपभूयपभापसरो, सरे सरे अभिरमंतो, वणे वणे वीसमंतो, जले जले परिकीलंतो, नगे नगे आरुहंतो, पुरे पुरे पलोइज्जतो, गामे गामे गेउरविजंतो पत्तो देसंतकंतारंतरसंठियं महोदयनामधेयं तावसासमं । जत्थ य सुग्रणमणोवित्तीओ इव सुटुसरलाओ खज्जूरीओ, सुयणमेत्तीओ इव निरंतराओ नालिकेरीओ, सज्जणुल्लावा इव सुसीयला दक्स्वामंडवा, सुपुरिसपइन्नाओ इव लद्धपइटाओ कयलीओ। किं बहुणा ?
पुनाग-नाग-नारंग-पूग-साहारपमुहसाहीहिं । सुयणसरूवं व गुणेहिं संसियं तं समग्गेहिं ॥ ४२ ॥ हुन्वंतसरससमिहाधमुक्करधूसरऽम्बराभोयं । तं दठूण कुमारो पुच्छइ 'किं नामयं वसिमं?' ।। ४३ ॥ सिटुं च पत्तिणा से 'महोदयं तावसासमं एयं । निवसंति एत्थ मुणिणो करुणा-बंभव्ययपहाणा ॥ ४४ ॥ देस-पुर-गाम-घर-घरिणि-सयण-धण-धन-नेहनिम्मुक्का । निवसंति एत्थ एए महाणुभावा निरारंभा ॥ ४५ ॥ असि-मसि-किसिवाणिज्जाइवज्जिया कंदमूलसंतुट्ठा । माणा-ऽवमाणरहिया जीवंति सुहं इमे लोए' ॥ ४६॥ 10
तओ कारुणिय' त्ति परितुद्वेण भणियं कुमारेण 'जइ एवं ता एउवदवपरिहारेण कुणह ताव इहेव आवासं, जेण करेमो एयपायपणईए पूयपावमप्पाणं' । तहेव संपाइए पयाइणा कमोचियकायमो पविट्ठो कुमारो तवोवणं पेच्छंतो वियडजडामउडमंडियमत्थए वक्कलकोवीणनिवसणे, केइ उड्ढवाहुणो दिगयराभिमुहमायाविते, अन्ने बद्धपउमासणे नासानिमियदिद्विणो अक्खमालाढालणक्खणियपाणिणो मंतजावपवत्ते, अवरे सन्निहियकुसुम-समिहे हुयवहतप्पणपरे तावसकुमारे । पत्तेण य अब्भतरोडवं दिट्ठो कुसविट्ठरोवविट्ठो किरणायंतर्किकियकेसपरिगयविमल- 15 मुहमयंको अचंतपसंतमुत्ती कुलबई । पणमिउं पीइपहाणं लद्धधम्मासीसो उबविट्ठो तयंतिए । पुच्छिओ कुलवइणा नाम-थामा-ऽऽगमणपओयणाणि । 'गुरु' त्ति सिट्ठाणि जहट्ठियाणि कुमारेण । तओ कुलवइणा 'वच्छ ! उत्तमवंसप्पसूओ उत्तमपुरिसो तुमं ति जोगो सि अग्यदाणस्स' त्ति भणंतेण नीणिऊण गब्भगिहाओ उवणीया तरुणरयणीयरदिप्पंतकंतविग्गहा बालमुणालवेल्लहैलवाहुलया तसियमुद्धमयसिलिंबविलोललोयणा अहिणवुब्भिन्नपीवरपओहरोवहसियकरिकुंभा रंभार्थभाभिरामोरुजुयला सयललक्खणसणाहविमारुणपाणि-पाया पवरकनया सुबहुं च मणि- 20 मउड-कुंडलाइरायभोगोचियमाभरणं, भणियं च 'रायउत्त ! चउरासमगुरू तुमं अतिहिभूमओ सि अम्हाणं, ता पडिच्छाहि एयं मम जीवियसबस्सभूयं संपुम्नलक्खणालंकियसरीरं महानरिंदघरिणिसदारिहं कन्नापाहुडं ति, संपाएहि मम मणनेव्वुई, गुरुआणापहाणा अकयपत्थणाभंगा य महाकुलुब्भवा भवंति' ति। एयमायनिऊग सविम्हएण चिंतियं कुमारण'किं सिंहीसुयविग्गहम्मि गलिया एसा मयंकस्सिरी ?, किं लच्छी कमलायरस्स सयला पत्ताऽलिभीया इहं ?। 25 संपत्ता सरणं मुणिं हरिदरा देवंगणा होज किं ?, कत्तो चत्तकलत्तसंगमुणिणो एवंविहा कनया ? ॥४७॥
भणियं च 'भयवं ! अबहत्थियसमत्थरिथवित्थराण निस्संगवंभव्ययधराण अंगीकयवणवासाणं तुम्हारिसाणं कुओ कन्नारयणसंभवो ? त्ति ददमाउलं मम मणो असंभावणिजसंभवेण, ता पसीयह, साहेह एत्थ परमत्थं' ति । रिसिणा वुत्तं
"जुत्तीहिं जं न जुज्जइ संभवइ भवे तयं पि नियमेण । संघडण-विहडणावावडस्स विहिणो निओगेण ॥४८॥ 30 जत्तो जत्तो कच्चइ भयतरलच्छो वणम्मि सारंगो । धावइ ततो ततो च्चिय पुन्बयरं वणदवो पावो ॥४९॥
१ गोरविज्जतो जे०विना ॥ २ सङ्केत:-"किंकिय त्ति शुक्ल" ॥ ३ उत्तिम भ्रा. ॥ ४ "कोमल" खंटि. भ्राटि. ॥ ५ सङ्केत:-"सिलिंब त्ति बालकः ॥ ६ रायपुत्त ! जे विना ॥ ७ दिढ ख२ भ्रा० ॥