Panchashak Prakaranam

Author(s): Dharmratnavijay
Publisher: Manav Kalyan Sansthan

Page 298

263 परिशिष्टम्-१ गाथा-३२-४२ पढमुच्चारणमेत्ते, विष्णुप्पवेसो हवेज्ज सामइए / एयस्स सव्वहा जइ, ता नंदीणुयोगदाराणं // 20/32 // तयणुप्पवेसओ च्चिय, तवचरणं नेय जुज्जइ विभिन्नं / दीसइ य कीरमाणं, जोगविहीए य भिन्नत्तं // 20/33 // किंचाभिन्नत्ते सव्वहा वि सामाइयाउ एयस्स / काऊण पंचमंगलमिच्चाइ अणुचियं वयणं // 20/34 // इय भेयपक्खमणुसरिय जइ तवो कीरई नमोक्कारे / तो को दोसो नंदणुओगद्दारेसु वि हविज्जा // 20/35 // इरियावहियाईयं, सुयं पि आवस्सयस्स करणम्मि / अणुपविसइ तम्मि तयन्नया य भिन्नं हि तेणेव // 20/36 // भत्ते पाणे सयणासणाइ सुत्तं पि जायइ कयत्थं / तिन्नि वि कड्डइ तिसिलोइय थुइ त्ति इच्चाइ सुत्तं पि // 20/37 // आवस्सए पवेसो, जइ एसो सव्वहा वि य हवेज्जा / तो पि हु पढणं एसिं, सव्वेसिं कह घडिज्ज त्ति // 20/38 // जं च इयरेयरासय, दूसणमेवं च वुच्चइ इमाण / पाढेण विणा न तवो, तवं विणा नेव पाढो त्ति // 20/39 // तं पि हु अदूसणं जह, पव्वइउमुवट्ठियस्सऽणुन्नायं / सामाइयाइयाणं, आलावगदाणमतवे वि // 20/40 // एवं जइ पढिएसु वि, नवकाराईसु ताणमुवहाणं / सविसेसगुणनिमित्तं, कारिज्जइ को णु ता दोसो // 20/41 // नियगमइविगप्पियं पि, हु कारिज्जइ मोक्खदंडयाइ तवं / सत्थुत्तं पि निसिज्झइ, उवहाणं ही महामोहो // 20/42 //