Neminahacariya Part 2

Author(s): Haribhadrasuri, H C Bhayani, Madhusudan Modi
Publisher: L D Indology Ahmedabad

Page 261

[३१००
नेमिनाहचरिउ [३१००]
एत्थ-अंतरि नेमि-जिण-इंदु नीसेसाइसय-निहि विहरमाणु उज्जाणि पत्तउ । अह आइउ हरि पुहुहु वंदणत्थु जायविहिं जुत्तउ ॥ नमिवि मुणि वि वंदणय-फलु हरि भव-भमण-विरत्तु । पास-टिइण कुविंदइण वीरएण संजुत्तु ॥
[३१०१]
देइ भत्तिहिं वारसावत्तु वंदणउं महा-मुणिहिं गरुय-गुणहं अट्ठार-सहसहं । तयणंतर विण्णवइ कण्हु सविहि जय-नाह-पायहं ॥ जह - पहु मई एइण भविण किय संगाम अणेग । न-उण किलेसिय एरिसिण समिण कह-वि मह अंग ॥
[३१०२]
तयणु पभणइ भुवण-दिण-इंदु नणु कण्ह फलं पि तई पत्तु अ-समु वंदणय-दाणिण । जं तइया तारिसिण समगु रिउहि संगाम-करणिण ॥ सत्तम-पुहइहि हेउ परिसंचिउ कम्मु अहेसि ।
संपइ सेसु खवेवि किउ महिहि तइज्जह रेसि ॥ [३१०३] तित्थयर-नामगोयं कम्मं च निवद्धमेण्हि हविहसि य ।
भावि-चउव्वीसाए तुमं दुवालसम-तित्थयरो ॥
[३१०४] वंदण-विरयणेण हि साहूण सुयस्स हवइ उवयारो ।
भिज्जइ माण-ग्गंठी पूइज्जइ गुरुयणो विहिणा ॥
[३१०५] सिढिलिज्जंति असेसाओ-वि हु असुहाओ कम्म-पयडीओ।
सिंचिज्जति नरामर-सिव-सुह-फलया सुकय-तरुणो ।। ३१०२. ८. क. खवेमि.