________________
४६८
पज्जोसवणाकप्पो आयाइंसु वा आयाइंति वा आयाइस्संति वा। एवं खलु अरहंता वा चक्कवट्टी वा बलदेवा वा वासुदेवा वा उग्गकुलेसु वा भोगकुलेसु वा राइण्णकुलेसु वा 'इक्खागकुलेसु वा खत्तियकुलेसु वा" हरिवंसकुलेसु वा, अण्णतरेसु वा तहप्पगारेसु विसुद्ध
जातिकुलवंसेसु आयाइंसु वा आयाइंति वा आयाइस्संति वा ॥ १२. अत्थि पुण एसे वि भावे लोगच्छेरयभूए अणंताहिं ओसप्पिणी-उस्सप्पिणीहिं वीइ
कंताहिं समुप्पज्जति, नामगोत्तस्स वा कम्मस्स अक्खीणस्स अवेइयस्स अणिज्जिण्णस्स उदएणं, जण्णं अरहंता वा चक्कवट्टी वा बलदेवा वा वासुदेवा वा अंतकुलेसु वा पंतकुलेसु वा तुच्छकुलेसु वा दरिद्दकुलेसु वा 'कि विणकुलेसु वा भिक्खागकुलेसु वा" माहणकुलेसु वा आयाइंसु वा आयाईति वा आयाइस्संति वा, नो चेव णं
जोणीजम्मण निक्खमणेणं निक्खमिंसु वा निक्खमंति वा निक्खमिस्संति वा ॥ १३. अयं च णं समणे भगवं महावीरे जंबुद्दीवे दीवे भारहे वासे माहणकुंडग्गामे नगरे
उसभदत्तस्स माहणस्स कोडालसगोत्तस्स भारियाए देवाणंदाए माहणीए जालंधर
सगोत्ताए कुच्छिसि गब्भत्ताए वक्कते ।। १४. तं जीयमेयं तीयपच्चुप्पण्णमणागयाणं सक्काणं देविदाणं देवराईणं अरहते भगवंते
तहप्पगारेहितो अंतकुले हिंतो वा पंतकुलेहिंतो वा तुच्छकुलेहिंतो वा दरिद्दकुलेहितो वा किविणकुलहितो वा भिक्खागकुलेहिंतो वा माहणकुलेहितो' वा तहप्पगारेसु उग्गकुलेसु वा भोगकुलेसु वा राइण्णकुलेसु वा 'इक्खागकुलेसु वा खत्तियकुलेसु वा हरिवंसकुलेसु वा, अण्णतरेसु वा तहप्पगारेसु विसुद्धजातिकुलवंसेसु वा" साहरावित्तए। तं सेयं खलु मम वि समणं भगवं महावीरं चरम तित्थयरं पुवतित्थयरनिद्दिळं माहणक डग्गामाओ नगराओ उसभदत्तस्स माहणस्स कोडालसगोत्तस्स भारियाए देवाणंदाए माहणीए जालंधरसगोत्ताए कुच्छीओ खत्तियकुंडग्गामे नगरे नायाणं खत्तियाणं सिद्धत्थस्स खत्तियस्स कासवगोत्तस्स भारियाए तिसलाए' खत्तियाणीए वासिट्ठसगोत्ताए कुच्छिसि गब्भत्ताए साहरावित्तए । जे वि य णं से तिसलाए खत्तियाणीए गब्भे तं पि य णं देवाणंदाए माहणीए जालंधरसगोत्ताए कुच्छिसि गब्भत्ताए साहरा वित्तए त्ति कट्ट एवं संपेहेइ, संपेहेत्ता हरि-णेगमेसिं पायत्ताणियाहिवइं देवं सद्दावेइ, सद्दावेत्ता एवं वयासी-एवं खलु देवाणु प्पिया ! न एयं भूयं,
न एयं भव्वं, न एयं भविस्सं-जण्णं अरहंता वा चक्कवट्टी वा बलदेवा वा वासु१. रायकु खत्तियकुलेसु वा इक्खाग (ता)। ५. द्रष्टव्यं एकादशं सूत्रम् । २. भिक्खागकुलेसु वा, किविणकुलेसु वा (ख, घ, ६. नाय० (क, ख, ग, पु); एकादशसूत्रे 'नाय
कुलेसु वा' इति पाठो नास्ति । ३. अतः परं 'क, ख, ग, घ, पु' आदर्शेषु एतावान् ७. अतोग्रे 'क, ख, ग' प्रतिषु 'जाव रज्जसिरि अतिरिक्तः पाठो दृश्यते- 'कुच्छिसि गब्भत्ताए कारेमाणेसु पालेमाणेसू' इति पाठो विद्यते । वक्कमिसु वा वक्कमति वा वक्कमिस्संति वा । ८.तिसिलाए (ता) प्रायः सर्वत्र । ४. 'ता' प्रती एतत्सूत्रं नैव दृश्यते ।
Jain Education International
For Private & Personal Use Only
www.jainelibrary.org
