________________
ભંડાર સિવાય દેરાસરની બહારના ભાગમાં ‘જિનભક્તિ સાધારણ’નો ભંડાર કેમ રાખવામાં આવે છે? કારણ એ ‘કલ્પિત દેવદ્રવ્ય છે’ એવું બધાને સંમત છે. એક જ પ્રકારની આવક માટે જુદું નામ આપી એક જ સ્થાનમાં અલગ ભંડાર ઊભો કરવાનું કોઈ પ્રયોજન જ નથી. આથી પણ સમજાય છે કે ભગવાન સન્મુખ રખાતા ભંડારની આવક કલ્પિત દેવદ્રવ્ય નથી, તેથી તેમાંથી કેસરાદિ ન લાવી શકાય. જ્યારે ‘જિનભક્તિ સાધારણ’નો ભંડાર કલ્પિત દેવદ્રવ્ય છે, તેથી તે રકમથી કેસરાદિ લાવી પ્રભુ પૂજી શકાય. વળી લોકો ય ભગવાન સન્મુખના ભંડારમાં કેસરાદિ લાવવા નહીં, પણ પ્રભુભક્તિરૂપે પૈસા નાંખે છે.
ન
(C) ‘સ્વપ્નદ્રવ્ય એ દેવદ્રવ્ય જ છે’ નામના પુસ્તકમાં અનેક પૂ.આચાર્ય ભ.ના પત્રો છાપવામાં આવ્યા છે. લગભગ દરેક સમુદાયના આચાર્ય ભગવંતોએ સ્વપ્નની ઉછામણીને કલ્પિત દેવદ્રવ્ય માનવાનો નિષેધ કર્યો છે. સચ્ચારિત્ર ચૂડામણિ પ.પૂ.આ.શ્રીપ્રેમસૂ.મ.નો પત્ર પણ એ પુસ્તકમાં છપાયો છે. એમાં તેઓ સ્વપ્નદ્રવ્યને કલ્પિત દેવદ્રવ્ય તરીકે માનવાની ના પાડીને તે રકમમાંથી કેસર, સુખડ, પૂજાનાં ધોતિયાં લાવવાનું નિષેધે છે. આના પરથી પણ નક્કી થાય છે કે સ્વપ્નાદિની ઉછામણી કલ્પિત દેવદ્રવ્ય નથી.
શંકા : ‘પૂ.આ.ભ.શ્રીપ્રેમસૂ.મ. સ્વપ્નાદિની ઉછામણીના દેવદ્રવ્યથી જિનપૂજા, મહાપૂજા, મહોત્સવ તથા પૂજારીને પગાર આપવાનું માનતા હતા, એવું તેમના મધ્યસ્થ બોર્ડને લખેલા પત્રથી જણાય છે' એવું સામો પક્ષ કહે છે, શું એ સાચું નથી ?
સમાધાન : પોતાના ગુરુના નામને પણ વટાવી ખાવાનો આ નિંદનીય પ્રયાસ છે. પૂ.આ.ભ.શ્રી સ્વપ્નની ઉછામણીના દ્રવ્યની બાબતમાં શું માનતા હતા એ ‘સ્વપ્નદ્રવ્ય એ દેવદ્રવ્ય જ છે' પુસ્તકમાંના એમના પત્રથી સ્પષ્ટ હોવા છતાં મધ્યસ્થબોર્ડને ઉદ્દેશીને લખાયેલું તેમનું કાચું લખાણ (કે જે ક્યારેય મધ્યસ્થબોર્ડને મોકલવામાં આવ્યું નહોતું) રહી રહીને હવે પ્રગટ કરી ‘આ જ તેઓશ્રીની માન્યતા હતી’ એવું પ્રચારવું-આ કેવી કુટિલતા છે.
8
