________________
એ સિવાય આચાર્યશ્રી કહે છે કે ક્યારેક વિશિષ્ટ પર્વના દિવસોમાં પરમાત્માને અંગરચના જ ન હોય કે સામાન્ય હોય ત્યારે દેવદ્રવ્યના પૈસા વાપરી ભવ્ય અંગરચના થાય તો દર્શન કરનારનું સમ્યગ્દર્શન નિર્મળ થાય.” પરંતુ દેવદ્રવ્યથી બનેલ આંગીના દર્શન કરનારનું સમ્યગ્દર્શન આચાર્યશ્રીની સ્વપ્નસૃષ્ટિમાં નિર્મળ થશે ત્યારે થશે, પણ દેવદ્રવ્ય આંગીમાં વાપરનારનું, તેના અનુમોદકનું કે તેના ઉપદેશકનું સમ્યગ્દર્શન તો અત્યારે જ બળીને ખાખ થઈ જશે. સમ્યગ્દર્શનની નિર્મળતા પરમાત્માની આજ્ઞા ઉપર પગ મૂકીને નહીં, પણ પરમાત્માની આજ્ઞાના પાલનથી થતી હોય છે. દેવદ્રવ્ય પરમાત્માની અંગરચનામાં વાપરવાની આજ્ઞા કોઈ શાસ્ત્રમાં નથી, ઉપરથી
તેનો નિષેધ છે. શંકા: આ.શ્રીઅભયશેખરસૂરિજી ફરમાવે છે કે “સ્વદ્રવ્યથી જ જિનપૂજા કરવી
જોઈએ આ વિધાનનો અર્થ 'દેવદ્રવ્ય ભિન્ન દ્રવ્યથી જ જિનપૂજા કરવી જોઈએ, પણ દેવદ્રવ્યથી નહીં' એવો કરવામાં આવે તો કેસર-સુખડ વગેરે સામગ્રીના ચડાવાથી ઉત્પન્ન થયેલ દ્રવ્ય પણ ‘આ દેવની ભક્તિ માટે જ વાપરવું આવી અવધારણ બુદ્ધિવાળું થવાથી દેવદ્રવ્ય બની જાય છે. માટે
તેનાથી જિનપૂજા કરવાનો નિષેધ પણ સામાપક્ષને લાગુ પડી જશે.” સમાધાન : આચાર્યશ્રીએ સ્વદ્રવ્યથી જ જિનપૂજા કરવી જોઈએ' આ વિધાનનું
અમારા પક્ષ વતી દેવદ્રવ્ય ભિન્ન દ્રવ્યથી જ જિનપૂજા કરવી જોઈએ, પણ દેવદ્રવ્યથી નહીં આવું મૂર્ખતાભર્યું અર્થઘટન કરવાનો પ્રયાસ કર્યો છે, એ જ તેમની શાસ્ત્રપંક્તિઓના અર્થઘટનની અનાવડતને સૂચવે છે. ઉપરોક્ત અર્થઘટનમાં દેવદ્રવ્ય ભિન્ન દ્રવ્ય તરીકે જીવદયા-અનુકંપાનું દ્રવ્ય, ગુરુવૈયાવચ્ચદ્રવ્ય વગેરે પણ પકડાય. શું અમારો કે એમનો પક્ષ આદ્રવ્યોથી
જિનપૂજા કરવામાં માને છે? સામાપક્ષની માન્યતા શું છે તે વ્યવસ્થિત a. જુઓ ‘ધા.વ.વિ.પૃ.૨૦૬-૨૦૭.
[ 56)
