________________
એમ ન હોય, પણ પોતાના સંઘમાં વાપરવા તૈયાર હોય ત્યાં આચાર્યશ્રીનું કહેવું છે કે “તે પૈસા બેંક વગેરેમાં મૂકવાથી ઘોર આરંભ-સમારંભ થાય, તેના કરતા પૂજારીના પગાર, કેસર, સુખડ, આંગી વગેરેમાં વપરાવવા જોઈએ, જે શાસ્ત્રસિદ્ધ છે. પરંતુ અમારું કહેવું છે કે આવું કયા શાસ્ત્રમાં આવે છે તે પૂર્વે બતાવેલા સંબોધ પ્રકરણાદિના અન્ય શાસ્ત્રપાઠોને વિરોધ ન આવે તે રીતે તેઓશ્રી સિદ્ધ કરી આપે. કેમકે દેવદ્રવ્ય અને જિનપૂજા' પુસ્તકના પૃ.૨ ઉપર તેઓશ્રી જ કહે છે કે શ્રી જૈન શાસ્ત્રોમાં પૂર્વાપર વિરોધ સંભવતો નથી.” બાકી ટ્રસ્ટીઓ બીજે જીર્ણોદ્ધારમાં દેવદ્રવ્યના પૈસા નથી વાપરતા માટે પ્રભુભક્તિમાં વપરાવી નાંખવા, આવું હોય તો કાલે ઉઠીને કોક એમ પણ કહેશે કે ‘ટ્રસ્ટીઓ ગ્રન્થ પ્રકાશનાદિ માટે બીજે જ્ઞાનખાતાના પૈસા નથી ફાળવતા, માટે સંઘની પાઠશાળામાં બાળકોના અભ્યાસ માટે તે વાપરી નાંખો.” સંઘના ટ્રસ્ટીઓ દેવદ્રવ્યના પૈસા સુયોગ્ય ઠેકાણે ન ફાળવતા મમત્વથી બેંકમાં ભેગા કર્યા કરે તે સારું નથી જ. પરંતુ આ દોષને કાઢવા તે પૈસા શાસ્ત્રથી વિરુદ્ધ જઈ પ્રભુભક્તિમાં વાપરવાનદોષ સેવીએ તો બકરું કાઢતા ઊંટ પેસ્યા બરાબર થાય.
જરા કલ્પના તો કરો કે આ.શ્રીઅભયશેખરસૂરિજી કહે છે તેમ જો દેવદ્રવ્ય પ્રભુભક્તિમાં વાપરવાની છૂટ આપવામાં આવે તો ટ્રસ્ટીઓ અને નિશ્રાદાતા ગુરુભગવંતોની કેવી મનઃસ્થિતિ થશે-ટ્રસ્ટીઓને થશે કે
અમારા કાર્યકાળ દરમ્યાન વધુમાં વધુ ધામધૂમ કરી દઈએ તેથી તેમની નજર દેવદ્રવ્યને બચાવવા તરફ નહીં, પણ ખર્ચી નાંખવા તરફ રહેશે. ગુરુ ભ.ને પણ થશે કે “મારી નિશ્રામાં થયેલ પ્રતિષ્ઠા-વરઘોડા વગેરેની આવક મારી નિશ્રામાં જ ઠાઠમાઠથી પ્રસંગો કરવામાં વપરાવી જોઈએ.’ આમ દેવદ્રવ્યની વૃદ્ધિ કરવાનું મન જ કોઈને નહીં થાય. બધા દેવદ્રવ્યના ભોગે પોતાની બોલબાલા કરવામાં પડી જશે, તેથી જીર્ણોદ્ધારાદિ આવશ્યક કાર્યો સદાવા લાગશે.
55
