________________
વાપરેલું ધન વિશેષ લાભ માટે થાય છે આવો ઉપદેશ આપી તે ખાતામાં આવક ઊભી કરવી એ યોગ્ય રસ્તો છે, પણ દેવદ્રવ્ય ઉપર તરાપન મરાય. આજે સાધર્મિક ભક્તિની મહત્તા સમજાવીને કે જીવદયાનો ઉપદેશ આપીને સંઘોમાં દરવર્ષે કરોડો રૂપિયાની ઉપજ કરાવી શકાય છે, તેમ જિનભક્તિની મહત્તા સમજાવાય તો તેને લગતા ખાતામાં પણ સારી એવી ઉપજ થઈ શકે છે, જે અનેક સંઘોમાં થતી જોવા પણ મળે છે. પરંતુ આચાર્યશ્રીને આ રીતે ઉપજ થાય તેમાં રસ નથી, તેમને તો શાસન અપભ્રાજનાદિનો ખોટો હાઉ ઊભો કરી પૂજારીના પગાર, કેસર, સુખડાદિમાં દેવદ્રવ્ય વપરાતું થાય તેમાં રસ છે.
વળી, ક્યારેક છાપાઓમાં લાખો રૂપિયાની ઉપજવાળાં જૈન મંદિરોમાં ટૂંકો પગાર આપી પૂજારીનું શોષણ થાય છે આવા શાસન અપભ્રાજના થાય તેવા સમાચાર આવે છે, માટે પૂજારીને પગારમાં પર્યાપ્ત રકમ પૂરી પાડવા દેવદ્રવ્ય વાપરવું જોઈએ એવું આચાર્યશ્રીનું કહેવું છે. પરંતુ છાપાઓમાં તો પરમાત્માના વરઘોડા, દૂધનો પક્ષાલ, સાધર્મિક ભક્તિ વગેરેની ટીકા કરતા અયુક્ત લેખો પણ આવતા હોય છે, તો શું વરઘોડાદિ પણ બંધ કરી દેવાના આચાર્યશ્રીએ છાપા વાંચવા કરતા કોક ગીતાર્થની નિશ્રામાં શાસ્ત્રો વાંચવા પર પ્રાધાન્ય આપવા જેવું છે, અને શાસ્ત્રસાપેક્ષપણે યથાશક્ય શાસન અપભ્રાજના ટાળવા યત્ન કરવા જેવો છે.
બીજું આચાર્યશ્રી જાહેર કરે કે જૈનમંદિરોમાં પૂજારીનું શોષણ થયાના સમાચાર ક્યા છાપામાં અને ક્યારે છપાયા છે? છપાયા છે તો તે કોક જૈનમંદિરની ઘટનારૂપે છપાયા છે કે સમગ્ર જૈન મંદિરોની પરિસ્થિતિના બયાનરૂપે છપાયા છે?' બાકી રાજકારણીઓની એવી આદત હોય છે કે તેઓ ખૂણે-ખાંચરે બનેલી ઘટનાને એટલી બધી ઉપસાવે કે ભોળા લોકો ભરમાઈ જાય અને પેલો એ ઘટનાના ઓઠા હેઠળ પોતાની ઈષ્ટ વાત દાખલ કરી દે.
કેટલેક ઠેકાણે ટ્રસ્ટીઓ બીજે જીર્ણોદ્ધારમાં દેવદ્રવ્યના પૈસા આપે a. Hક્ષેત્યાં દિયત્સત્ ક્ષેત્ર ચાત્તદુપટ્ટમે મૂયાનું સામો દૃશ્યતા (શ્રાદ્ધવિધિ પૃ.૬૨).
154
