________________
સ્નાત્રપૂજાના મહિમા અંગે પ્રાસ્તાવિક
લેખક : સિદ્ધાંત્તમહોદધિ પરમપૂજ્ય આચાર્ય ભગવંત શ્રીમદ્ વિજય પ્રેમસુરીશ્વરજી મહારાજાના શિષ્ય : મુનિભાનુવિજય
“રંગરસીયા રંગરસ બન્યો મનમોહનજી કોઇ આગળ નવિ કહેવાય, મનડું મોહ્યું રે વેધકતા વેધક લહે બીજા બેઠા વા ખાય, મનડું મોહ્યું રે,
અનુભવની બલિહારીઃ
કવિરત્ન પં. શ્રી વીરવિજયજી મહારાજે ઉપરોક્ત અનુભવ-વચનમાં બતાવ્યું છે કે જ્યારે કોઇપણ પ્રવૃત્તિ અથવા પ્રસંગનો રંગ જામી જાય છે, ત્યારે જેણે તેના રસનો અનુભવ કર્યો હોય, તે તેના અપ્રતિમ આસ્વાદનું માત્ર આંતરસંવેદન કરી શકે છે, પરંતુ બીજા કોઈની પણ આગળ અનુભવેલા રસનું પૂર્ણપણે યથાર્થ વર્ણન કરી શકતો નથી. કારણકે પરમાત્માની ભક્તિના રંગનો આંતર અનુભવ એવો ભવ્ય અને હૃદયસ્પર્શી બને છે કે એમ કહેવામાં પણ હરકત નથી કે તે ભક્તિરસનું આંતર સંવેદન અનુભવગમ્ય હોવાથી શબ્દમાં ઉતારી શકાતું નથી, બોલીને કે લખીને વર્ણવી શકાતું નથી. મહાન કવિ પણ તે રસાનુભવને શબ્દો દ્વારા પ્રગટ કરવા માટે અસમર્થ છે. પારાના સંયોગથી સોનાના પ્રત્યેક અણુમાં વેધ થાય છે, તે વેધનો અનુભવ લોઢાને શી રીતે થાય ? અરે ! લોઢાની વાત તો બાજુએ મુકો, બીજું સોનું, પણ તે વેધનો, તે પારાના અંતઃસ્પર્શનો અનુભવ શું કરી શકે ? એ તો બિચારો પોતાની ચાલુ સ્થિતિમાં બેસી રહી વાયુનો સ્પર્શ કરી જાણે. અથવા જે મનુષ્ય રાધાવેધ સાધે છે તેજ વેધકતાના આનંદનો અનુભવ કરી શકે છે, રાધાવેધને જોનારા બીજા માણસો તો ત્યાં ખાલી બેસી રહેશે, બાકી એ વેધ કરવાના અવર્ણનીય આનંદનો અનુભવ કરવા માટે ભાગ્યશાળી બની શકતા નથી.
કક્કી ફરી ફી ફકમ I ફિક ફર ફી ફટ ફટ ફટ ફટ ફી
