________________
શુભ અધ્યવસાયનો ધારાવાહી પ્રવાહ સતત ચાલ્યો રહે છે. આત્મા પુદ્ગલદર્શી મટી આત્મદર્શી બને છે. પ્રભુની આંતરશત્રુ કચરવાની શૂરવીરતા, ગંભીરતા, સહનશીલતા, ઉદારતા વિગેરે ગુણોનો ખ્યાલ આવવા સાથે પોતાની વિષયપરવશતા, કષાયોમાં ચકચૂરતા, સંજ્ઞા તથા ગારવામાં મશગુલતા વિગેરે દુર્દશાઓનું ભાન થાય છે. પોતાની બહુબહુ અધમતાનું આંતરદર્શન પ્રગટ થાય છે. જિનચૈત્ય અને જિન પ્રતિમાને નહિ માનનારો વર્ગ બિચારો પ્રતિમાના દર્શન, વંદન તથા પૂજનના અમૂલ્ય લાભથી ઠગાય છે. અને પરિણામે ભવસાગરમાં ભમ છે. પ્રતિમાના દર્શનથી દૂરિત એટલે પાપનો ધ્વંસ, વંદનથી ઇષ્ટ વસ્તુઓની પ્રાપ્તિ, અને પૂજનથી ઐશ્વર્યનો લાભ થાય છે. તે પ્રતિમાના ચરણે કુસુમાંજલિનું અર્પણ કરવાથી ભવ્ય જીવો પોતાના પાપને પખાળી નાખે છે. પાપમાત્રનો ધ્વંસ એ જિન પ્રતિમાના પૂજનનું ફળ છે.
શ્રી નેમિનાથ ભગવાનને કુસુમાંજલિ - કુણાગરૂ વરધૂપ ધરીજે, સુગંધકર કુસુમાંજલિ દીજે, કુસુમાંજલિ મેલો નેમિ જિર્ણોદા ૮
કૃષ્ણાગરૂ વિગેરે ઉત્તમ પ્રકારના ધૂપ પ્રગટાવી ધારણ કરવા, અને નેમનાથ પ્રભુના હસ્ત ઉપર સુગંધદાર કુસુમાંજલિ મુકવી. વાતાવરણને મઘમઘાયમાન કરી મુકે તેવી અનેક પ્રકારના ઉત્તમ ધૂપોથી પરમાત્માની પૂજા કરવામાં આવે તો મિથ્યાત્વ, વિકાર અને વાસનાની દુર્ગધ દૂર ટળી જાય છે.
જસુ પરિમલ બલ દહરિસિં, મહુકરઝંકાર સદસંગીયા, જિણ ચલણોવરિ મુક્કા, સુરનર કુસુમાંજલિ સિદ્ધા. ૯ પુષ્પોનું સૌરભબળ અને ભ્રમરની રસિકતાઃ
જે કુસુમાંજલિના પુષ્પો દશે દિશાઓમાં તેજ સુંગંધ પ્રસરાવે છે, જેની દિગન્ત સુવાસને લેવા માટે ભમરાઓ આવી ઝંકાર એટલે એક પ્રકારનો અવ્યકત મધુર શબ્દ કરે છે અને તેથી શબ્દમય સંગીત શરૂ થાય છે, દેવ અને
