________________
પાંચમું ફુલની માળા-પ્રભુની આણા ત્રણ જગતના જીવો શિરોમાન્ય કરશે અને પ્રભુની યશોસૌરભ વસુંધરાને પુષ્પમાળની જેમ સુવાસિત કરી દેશે.
- છઠું ચંદ્રમા-ચંદ્રમાં કહે છે કે હું તારા પુત્રરત્નના સંસર્ગથી નિષ્કલંક થઇશ. ચંદ્રની જેમ પ્રભુ પૃથ્વી વલયને શમરૂપી જ્યોત્સાથી આનંદિત કરશે.
સાતમું સૂર્ય-મિથ્યાત્વરૂપી અંધકારનો નાશ કરી પ્રભુ ભવ્ય જીવરૂપી કમળોને વિકસાવશે. સૂર્ય તથા ચંદ્ર કહી રહ્યા છે કે તમારા પુત્રની માફક અમારો પણ નિત્ય ઉદય થાય.
આઠમું ધ્વજા-પ્રભુ કુળમાં ધ્વજસમાન, ધર્મધ્વજથી સુશોભિત અને ત્રિભુવનમાં અદ્વિતીય મહાત્મા બનશે, ધજાનું સ્થાન જેમ જગતમાં ઉચું જ હોય તેમ પ્રભુ જગતમાં સર્વોત્તમ સ્થાન મેળવશે.
નવમું કળશ-જ્ઞાન, દર્શન તથા ચારિત્ર એ ત્રિતયાત્મક ધર્મને એક મહાન પ્રાસાદ સ્વરૂપ જાણવો. તે પ્રાસાદના શિખરે પ્રભુ પોતાના આત્માને કળશની માફક સ્થાપશે.
દશમું પવ સરોવર-સારા કૃત્ય સ્વરૂપ કમળોથી પાસરોવરની જેમ પ્રભુ શોભશે અને જ્ઞાનજલથી જગતને પાવન કરશે.
અગીયારમું ક્ષીર સમુદ્ર-જાણે એ માને કહે છે કે તારો પુત્ર ગુણરત્નોથી મહાગંભીર અને સુગુણોને ધારણ કરનારમાં અગ્રણી હોઇ એણે મને (ક્ષીરસમુદ્રને) જીત્યો, તો હવે મારું પાણી તેના શરીરના પરિભોગમાં ઉપયોગી બને એવી મારી વિનંતિ છે, અને જાણે એટલા જ માટે અહીં સ્વપ્નમાં આવેલ
બારમું વિમાન-જાણે કહે છે કે ભવનપતિ વિગેરે ચાર નિકાયના દેવો પ્રભુ પાસે સેવામાં હાજર રહેશે.
તેરમું રત્નનો રાશી-સૂચવે છે કે સુવર્ણ વિગેરેનું દાન દઇ પ્રભુ ત્રણ ગઢ પર સ્થાપેલા સિંહાસન ઉપર બિરાજશે, અને ભવ્ય જીવોને “જેને જોઇએ તે લઇ જાઓ” તેવી ઉદારતાપૂર્વક જ્ઞાનાદિ રત્નો આપશે.
