________________
અષ્ટાન્તિકા ઉત્સવ એટલે આઠ દિવસના ઓચ્છવમાં સર્વે દેવો દિલથી ભાગ લે છે ત્યાં રહેલા શાશ્વતા ચૈત્યો તથા ભવ્ય બિંબોના દર્શન, વંદન, પૂજનાદિ કરતા કરતા પોતાના આત્માને કૃતાર્થ માને છે. ભક્તિરસના ભરપૂર ફુવારા, આકર્ષક વાજીંત્રોના દિવ્ય ધ્વનિ, મધુરાલાપી ગાનતાન, નૃત્યકળાના નિર્દોષ અભિનવો અને આનંદની ભરતીઓ એવી અદ્ભુત હોય છે કે એમાં દિવ્યસુખોના વિસ્મરણ થઇ જાય છે. એ પ્રશસ્ત ભાવોથી ત્યાંનું વાતાવરણ મિથ્યાત્વી આત્માના મિથ્યાત્વને ગાળી નાખે તેવું બને છે પ્રભુભક્તિ અંગે યોજેલા મહોત્સવો ધર્મશ્રદ્ધાને ઉત્તેજિત અને નિર્મળત૨ કરનારા છે. એમાં ચંચલ લક્ષ્મીનો સુંદર સદુપયોગ થાય છે. પુણ્યાનુબંધી પુણ્યનો જથ્થો આત્મામાં જમા થાય છે. અન્ય ભાવુક આત્માઓને ધર્મમાં જોડાવાની પ્રેરણા મળે છે, ધર્મમાં જોડાએલા વધુ સ્થિર બને છે. દર્શનાચારનું સાત્વિક પાલન થાય છે. ઉદારતાનો વરસાદ વરસાયાથી શાતાવેદનીયનો બંધ પડે છે, અને સ્વપરનું એકાન્તે કલ્યાણ થાય છે. મંગળમય ઉત્સવની પૂર્ણાહુતિ બાદ સર્વે દેવો પોતપોતાના સ્થાને ચાલ્યા જાય છે. પણ જતા જતા મનમાં પ્રભુના દીક્ષાકલ્યાણક અને કેવળજ્ઞાનકલ્યાણક ઉજવવાનાં મનોરથ સેવે છે. ઇન્દ્રાણીઓ અને અપ્સરાના ભોગસુખમાં જે મઝા નહિં તેવી મઝા પ્રભુના જન્મકલ્યાણકના અપૂર્વ મોહક પ્રસંગમાં લૂંટવાની દેવોને મળી તેથી હવે પાછો ફરીથી ક્યારે પ્રભુના દીક્ષાકલ્યાણક નિમિત્તે ઝગમગાટ ઉત્સવને ઉજવીશું. દીક્ષા લીધા પછી પ્રભુના કેવળજ્ઞાનકલ્યાણકનો ઓચ્છવ ક્યારે હર્ષભેર કરીશું એવી મનો૨થમાલિકાને મનમંદિરમાં સ્થાપે છે. અને અહર્નિશ પરમાત્માના ગુણગાન કર્યા કરે છે. દીકરાના લગ્ન થાય તે અગાઉ કેટલા દિવસો અને મહિનાઓથી માતાપિતા તથા કુટુંબીજનો મનોરથોથી ખુશ ખુશ થતા હોય છે. નાના પ્રકારની યોજનાઓના ધારાવાહી સંકલ્પો, સુવ્યવસ્થિત અને શોભાસ્પદ બનાવવાના વિચારો અને સંબંધી તથા અન્ય જનોને લગ્નોપયોગી ભલામણોના મનોરથો ચાલ્યા જ કરે છે. ઉપરાંત લગ્ન પછીના જીવનના મનોરથો પણ ચિંતવે છે. તે સંકલ્પોના સેવનથી આત્મા પર પાપના ભારા ચઢયા કરે છે. અને એમાં વળી સમય પ્રવૃત્તિથી લગ્નરૂપ પાપસ્થાનકની પારાવાર અનુમોદના થાય છે. ઊડર
૫૩
244453®
